Koronavırýs: qaı el qansha ótemaqy tóleıdi?

3401
Adyrna.kz Telegram

AQSh úkimeti úsh aptadaǵy koronavırýs zardabyn ótep, el ekonomıkasyn qoldaý úshin eresekterge – 1000, kishkentaı balalarǵa – 500, al otbasynda tórt jany bar úılerge 3000 dollardan  úlestirýdi qolǵa aldy. Aq úı bul maqsatta 500 mlrd dollar jumsaýǵa ázir otyr. Eger indet úsh aptada toqtamasa, aldaǵy úsh apta úshin AQSh azamattary taǵy da osynshama qarjy alady.

Jańa Zelandııa budan da asyp tústi. Prezıdent Djasında Adern árbir salyq tóleýshige bir jylǵa 7020 Jańa Zelandııa dollarynan tóleýge pármen etti. Bul – 1 mln 772 myń 269 teńge degen sóz.

Ýkraına úkimeti indet ýaqytynda 65 jasqa deıingi zeınetkerlerdi qarjylaı qoldaýdy qolǵa aldy. Zeınetaqysy 5000 grıvenge (79 899 teńge) jetpeıtin 10 mıllıonnan astam zeınetker, 4000-nan astam múgedek pen áleýmettik zeınetaqyǵa kúni qarap otyrǵan topqa aı saıyn qosymsha 1000 grıven (15 979 teńge) tólemek.

 Reseı astanasy Máskeý meri Sergeı Sobınıan  karantın tártibin tolyq saqtaǵan zeınetkerlerge 26 naýryzdan 14 sáýir aralyǵynda 4000 rýblden (22 756 teńge) tóleıtinin habarlady. Premer-mınıstr Mıhaıl Mıshýstın basqa aımaqtyń gýbernatorlaryna  Máskeý meriniń isin úlgi etýge shaqyrdy.

  Qazaqstan úkimeti elde tótenshe jaǵdaı jarııalaýǵa baılanysty kiris kózinen aıyrylyp qalǵan turǵyndarǵa aıyna eń tómengi aılyq jalaqy kóleminde (42 500 teńge) tólemekshi. Mundaı kómekti 1,5 mıllıon turǵyn alýy múmkin.

Pikirler