الماتى قالاسىندا ۇلتتىق ۇلان جاۋىنگەرلەرى بلوكپوستتاردى اينالىپ وتپەك بولعان 4 ادامدى قولعا ءتۇسىردى، دەپ حابارلايدى Tengrinews.kz تىلشىسى ۇلتتىق ۇلاننىڭ ءباسپاسوز قىزمەتىنە سىلتەمە جاساپ.
كوروناۆيرۋستىڭ الدىن الۋ ماقساتىندا كارانتين جاريالانعان الماتى قالاسىنىڭ شەتكى ايماقتارىن كۇزەتۋ شارالارى كۇشەيتىلدى.
ءباسپاسوز قىزمەتىنىڭ حابارلاۋىنشا، اعا سەرجانت قانات بەيسەنباەۆ باسشىلىق جاسايتىن اسكەري توپ وزەندى كەسىپ ءوتىپ، قالا اۋماعىنا جاقىنداپ كەلە جاتقان ەكى ادامدى بايقاعان.
"اسكەري توپ بۇل ادامدى توقتاتقان. ءمان-جايدى انىقتاۋ بارىسىندا ولاردىڭ جۇمىس ىزدەپ، قالا اۋماعىنا وتپەكشى بولعاندارى انىقتالدى", - دەلىنگەن حابارلامادا.
سونداي-اق، اقساي وزەنىنەن وتپەك بولعان تاعى ەكى ادام ۇستالدى. ءمان-جايدى انىقتاۋ ءۇشىن بارلىق ادام اۋداندىق ىشكى ىستەر باسقارماسىنا جەتكىزىلدى.
