Almatyda blokposttan ótpek bolǵan 4 adam ustaldy

2104
Adyrna.kz Telegram

Almaty qalasynda Ulttyq ulan jaýyngerleri  blokposttardy aınalyp ótpek bolǵan 4 adamdy qolǵa túsirdi, dep habarlaıdy Tengrinews.kz tilshisi Ulttyq ulannyń baspasóz qyzmetine silteme jasap.

Koronavırýstyń aldyn alý maqsatynda karantın jarııalanǵan Almaty qalasynyń shetki aımaqtaryn kúzetý sharalary kúsheıtildi.

Almaty oblysy Abaı eldi mekeniniń janyndaǵy Aqsaı ózeni qala men oblysty ekige bólip tur. Ózenniń jaǵasynda karantındik rejimdi baqylaý Ulttyq ulannyń №5571 áskerı bóliminiń jaýyngerlerine senip tapsyryldy.
"Búgin saǵat 13.40 shamasynda ulan jaýyngerler Almaty qalasynyń kireberisine qoıylǵan blokpostty aınalyp ótip, qalaǵa aýmaǵyna kirmekshi bolǵan 4 adamdy qolǵa túsirdi", - delingen habarlamada.

Baspasóz qyzmetiniń habarlaýynsha, aǵa serjant Qanat Beısenbaev basshylyq jasaıtyn áskerı top ózendi kesip ótip, qala aýmaǵyna jaqyndap kele jatqan eki adamdy baıqaǵan.

"Áskerı top bul adamdy toqtatqan. Mán-jaıdy anyqtaý barysynda olardyń jumys izdep, qala aýmaǵyna ótpekshi bolǵandary anyqtaldy", - delingen habarlamada.

Sondaı-aq, Aqsaı ózeninen ótpek bolǵan taǵy eki adam ustaldy. Mán-jaıdy anyqtaý úshin barlyq adam aýdandyq ishki ister basqarmasyna jetkizildi.

 

Pikirler