الماتىلىقتاردى قوسىلعان دابىل قورقىتتى. بۇگىن 17 ناۋرىز كۇنى كەشكە 17: 30 قالانىڭ ءار بولىگىندە كارانتين ەنگىزىلۋىنە بايلانىستى دابىلدىڭ داۋىسى (سيرەنا) ەستىلدى. بۇل اقپاراتتى مەگاپوليس اكىمىنىڭ ءباسپاسوز قىزمەتى راستادى. كەيىن قالالىق تجد-دە بارلىق قالا بويىنشا دابىلداتقىش قوسىلعانىن ءتۇسىندىردى.
"بۇل دۇربەلەڭ بولدىرماۋ ماقساتىندا حالىقتى حاباردار ەتۋ بويىنشا كەلىسىلگەن ءىس-ارەكەتتەر. سيرەنانى ەستىگەندەردىڭ ارقايسىسىنا راديوقابىلداعىشتار مەن تەلەديداردى قوسىپ، اقپاراتتى وقىپ، نۇسقاۋلاردى ورىنداۋ قاجەت", - دەپ حابارلادى ۆەدومستۆودان.
بۇعان دەيىن بەلگىلى بولعانداي، الماتىدا وتەتىن پويىزداردا 27 بلوكپوست ورناتىلادى. سونىمەن قاتار قالاعا ءبىرىنشى كەزەكتە قاجەتتى تاۋارلاردى، تاماق ونىمدەرىن، ءدارى-دارمەكتەر مەن مەديتسينالىق ونىمدەردى، قورعانىس جانە گيگيەنا قۇرالدارىن اكەلۋ ءۇشىن "جاسىل ءدالىز" ورناتىلادى.
"ارقايسىمىز ءۇشىن ەرەكشە ءسات كەلدى. كارانتين رەجيمى مەگاپوليستىڭ بۇكىل ءومىرى جاڭا ەرەجەلەر بويىنشا قايتا قۇرىلاتىنىن بىلدىرەدى. كارانتين قاۋىپسىزىدك ءۇشىن قاجەت" دەدى الماتى اكىمى ساعىنتاەۆ.
الماتى اكىمى باقىتجان ساعىنتاەۆ مەگاپوليستە كارانتيننىڭ ەنگىزىلۋىنە بايلانىستى قالا مەكەمەلەرىن قاشىقتىقتان جۇمىس ىستەۋگە شاقىردى. ايتا كەتەيىك، بالاباقشالار كارانتين كەزىندە جابىق بولادى.
