«بارىس» كلۋبى گاگارين كۋبوگىنا قاتىسۋدان باس تارتتى

167
ەلوردالىق كلۋب 17 ناۋرىزدا پلەي-وفف كەزەڭىندە رەسەيلىك «سيبير» كومانداسىمەن كەزدەسۋى ءتيىس بولعان

«بارىس» قۇرلىقتىق حوككەي ليگاسىنىڭ پلەي-وفف كەزەڭىندە ويناۋدان باس تارتتى. بۇل تۋرالى كلۋبتىڭ رەسمي سايتىندا حابارلاندى.

«پرەزيدەنت قاسىم-جومارت توقاەۆتىڭ 2020 جىلدىڭ 16 ناۋرىزىنان باستاپ قازاقستان اۋماعىندا توتەنشە جاعداي ەنگىزۋ تۋرالى جارلىعىنا جانە سپورتتىق شارالاردى وتكىزۋگە تىيىم سالۋىنا سايكەس، «بارىس» كومانداسى قازاقستان رەسپۋبليكاسى اۋماعىندا قۇرلىقتىق حوككەي ليگاسىنىڭ پلەي-وفف كەزەڭىندەگى ماتچتارىن وتكىزە المايدى»، - دەلىنگەن رەسمي حابارلامادا.

وسى جاعدايعا بايلانىستى، «بارىس» كلۋبى 2019-2020 جىلدارعا ارنالعان گاگارين كۋبوگىنا قاتىسۋدان باس تارتادى.

ەستەرىڭىزگە سالا كەتەيىك، 14 ناۋرىز كۇنى فين كومانداسى «يوكەريت» تە كحل ويىندارىنا قاتىسۋدان رەسمي تۇردە باس تارتقان ەدى.

پىكىرلەر