بۇگىنگى وتكەت باق وكىلدەرىنە ارنالعان بريفينگتەن كەيىن “الماتى-قاپشاعاي” تاس جولىندا قر يدم كولىك كوميتەتىنىڭ ءموبيلدى توبى مەن الماتى قالاسى بويىنشا كولىكتىك باقىلاۋ ينسپەكتسياسىنىڭ ماماندارى جانە باق وكىلدەرىنىڭ قاتىسۋىمەن اۋىر جۇك تاسىمالداۋشىلارعا قويىلعان ۋاقىتشا شەكتەۋلەر بويىنشا رەيدتىك ءىس-شارا جۇرگىزىلدى.
شارا بارىسىندا، اۋىر جۇك كولىكتەرگە تەكسەرۋ جۇمىستارى جۇرگىزىلىپ، 9 بۇزۋشىلىق انىقتالدى. ولارعا جىلجىمالى كولىكتىك باقىلاۋ بەكەتىنىڭ ينسپەكتورلارى اكىمشىلىك حاتتاما تولتىرىپ، زاڭنامادا بەلگىلەنگەن تارتىپتە ايىپپۇل سالىندى.
ەسكە سالا كەتسەك، جىل سايىنعى قولدانىلۋ مەرزىمدەرىنە سايكەس جەكە بىلىككە تۇسەتىن جۇكتەمەسى 8 توننادان ارتىق اۆتوكولىك قۇرالدارىنىڭ قوزعالىسىنا كوكتەمگى كەزەڭدە شەكتەۋ 2020 جىلدىڭ 1 ناۋرىز - 1 ءساۋىر ارالىعىندا ەنگىزىلگەن بولاتىن.
سونىمەن قاتار، كولىك كوميتەتىنىڭ ءموبيلدى توبى 1 ناۋرىزدان باستاپ تۇركىستان، قىزىلوردا، جامبىل، الماتى وبلىستارى مەن الماتى جانە شىمكەنت قالالارى بويىنشا اۆتوكولىك قۇرالدارىنىڭ قوزعالىسىنا كوكتەمگى كەزەڭدە قويىلعان شەكتەۋلەر بويىنشا رەيدتىك شارالارى جۇرگىزىلدى.
سولتۇستىك وڭىرلەردە 23 ناۋرىز - 1 مامىر ارالىعىندا شەكتەۋلەر ەنگىزىلەتىن بولادى.
شارا بارىسىندا 200-دەن اسا زاڭ بۇزۋشىلىقتار انىقتالدى.
«ادىرنا» ۇلتتىق پورتالى
