شىعىس قازاقستان وبلىسى، جارما اۋدانى، قالباتاۋ اۋىلىندا ءدۇبىرلى توي بولىپ ءوتتى. قۇنانباي قاجىنىڭ اناسى، ابايدىڭ اجەسى زەرە (توقبالا) بەكتەمىرقىزىنا جارما جۇرتشىلىعى جۇمىلىپ ەسكەرتكىش ورناتتى دەپ حابارلايدى "BNEWS.KZ"
ەل تاۋەلسىزدىگىنىڭ 25 جىلدىعى،"ۇلى دالانىڭ ۇلى انالارى" اتتى ءىس شارا اياسىندا اشىلعان ەسكەرتكىشتىڭ ورناۋىنا اۋىل اقساقالدارى رۋحاني دەمەۋ بولعان. سوڭعى جىلدارى شىعىس وڭىرىندە وسىعان ۇقساس ءبىرشاما نىساندار بوي كوتەرگەن بولاتىن. اتاپ ايتار بولساق، تارباعاتايدا مۇرىن انا مەن ماقتا اپاعا قويىلعان ەسكەرتكىش، اباي مەن توعاس ەسكەرتكىشتەرى جانە اياگوزدەگى شىڭقوجا باتىر ەسكەرتكىشى.
جارما اۋداندىق قوعامدىق كەڭەستىڭ توراعاسى تولەۋبەردى ورازعاليۇلى
بۇل ەسكەرتكىشتىڭ ۇرپاق تاربيەسىنە ۇلكەن ۇلەسى بار. قازىرگى ۇرپاق تاربيەسى شىنىن ايتۋ كەرەك، ءبىراز اقساپ بارادى. قازىرگى كەلىندەر بالالارىن اتا-اجەلەرىنىڭ تاربيەسىنە بەرگىسى كەلمەيدى، ۇلكەندەر تاربيەسىن ەرسى كورەدى. بۇگىنگى تاريحي سىلكىنىستەن كەيىن، زەرەنىڭ ۇرپاق تاربيەسىندەگى ەرەن ەڭبەگى بۇكىل جۇرتقا جايىلاتىن بولار، سودان بالالار ۇلگى الار، ونەگەلى ۇرپاق كوبەيەر.
