Chılı dárigerleri Santıagoda COVID-19 juqtyrǵan jaǵdaıdy rastady. Bul týraly 4 naýryzda respýblıkanyń Densaýlyq saqtaý mınıstrligi habarlady. Al, jergilikti dárigerler naýqastar aýrýdy ońaı ótkizip jatyr jáne eshqandaı qaýip joq dep sendirip otyr, dep jazady baq.kz.
Astanalyq okrýgtiń 56 jastaǵy turǵyny Eýropanyń birneshe eline barǵan, onyń ishinde Italııany da aralaǵan, - delingen vedomstvonyń habarlamasynda.
Dárigerler naýqasty aýrýhanaǵa jatqyzbaı, úıine jibergen. Sebebi, onyń syrqatyn jeńil formada dep tanyǵan.
Osymen bul Chılıde koronavırýs juqtyrǵan úshinshi jaǵdaı bolyp otyr. Buǵan deıin, el prezıdenti Sebastıan Pınera Sıngapýrdan kelgen 33 jastaǵy dárigerden anyqtalǵanyn habarlaǵan bolatyn. Dáriger – Talka qalasynyń turǵyny. Sodan soń dárigermen birge Sıngapýrǵa barǵan jubaıynda da koronavırýs anyqtaldy.
