مينيسترلىكتەگىلەر قازاقستاندىقتىڭ وڭتۇستىك كورەيادا زاڭسىز جۇرگەنىن ايتادى.
سمادياروۆ قازاقستاندىقتىڭ كارانتينگە جاتقىزىلۋى كەرەگىن ايتادى.
"قازاقستاندىقتا كوروناۆيرۋستىڭ ەشقانداي بەلگىلەرى جوق. وعان اۋرۋحاناداعىلار كوروناۆيرۋسقا تەكسەرىلە المايتىنىن جانە اۋرۋحانادا جاتقىزىلمايتىنىن ايتقان. ەلشىلىك بۇل ماسەلەنى باقىلاۋعا الدى. وسىعان بايلانىستى ءسىم وكىلدەرى باق-تاردان راستالماعان اقپارات جاريالاماي، ەلدى دۇرلىكتىرمەۋدى سۇرايدى", - دەدى سمادياروۆ.
ەسكە سالايىق، وسىعان دەيىن وڭتۇستىك كورەيادا كوروناۆيرۋس جۇقتىرعان قازاقستاندىق تۋرالى مالىمەتتىڭ راستالماعانى حابارلانعان بولاتىن. "3 ناۋرىزدا وڭتۇستىك كورەيانىڭ الەۋمەتتىك جەلىلەرىندە قازاقستان ازاماتىندا COVID-19 ۆيرۋسى انىقتالعانى حابارلاندى. الەۋمەتتىك جەلىلەردەگى حابارلامالارعا قاراعاندا، كلينيكادان قاشىپ كەتكەن قازاقستاندىقتى قازىر پوليتسيا ىزدەستىرىپ جاتىر. (...) بۇل مالىمەت راستالعان جوق", - دەگەن ەدى سمادياروۆ.