كورونوۆيرۋس: ۇلتتىق وليمپيادا كوميتەتى مالىمدەمە جاسادى

2935
Adyrna.kz Telegram

قر ۇلتتىق وليمپيادا كوميتەتى كوروناۆيرۋسقا قاتىستى مالىمدەمە جاسادى. بۇل تۋرالى كوميتەتتىڭ سايتىندا جاريالاندى دەپ حابارلايدى "ادىرنا".

ۇلتتىق وليمپيادالىق كوميتەتىنىڭ وتاندىق سپورتشىلاردىڭ قاۋىپسىزدىگىن قامتاماسىز ەتۋ ءۇشىن قاتاڭ شارالار قولداناتىنى جانە كوروناۆيرۋسقا بايلانىستى ەلدىڭ وليمپيادالىق باسقارماسىندا كەلەڭسىز جاعدايدان ساقتانۋ ماقساتىندا ارنايى شتاب قۇرىلعانىن مالىمدەيدى. ۇلتتىق قۇرامالاردىڭ جارىس جانە جاتتىعۋ كەستەسى قاراستىرىلادى ەكەن. كوميتەت قولدان كەلگەن شارالاردىڭ قولدانامىز دەيدى.

بۇگىن پرەزيدەنت قاسىم-جومارت توقاەۆ قازاقستان ازاماتتارىنىڭ دەنساۋلىعىن قورعاۋ ماقساتىندا كەشەندى شارالار قابىلداۋدى تاپسىردى.
وسىعان بايلانىستى قازاقستان ۇلتتىق وليمپيادا كوميتەتىنىڭ پرەزيدەنتى تيمۋر قۇلىباەۆ ۇلتتىق قۇرامالاردىڭ قاۋىپسىزدىگىن باقىلاۋدى كۇشەيتەتىنىن مالىمدەدى.

"ۇلتتىق وليمپيادالىق كوميتەت ءۇشىن سپورتشىلاردىڭ دەنساۋلىعى وتە ماڭىزدى. ساقتىق شارالارىمەن قاتار، قاۋىپسىزدىك شارالارىن دا كۇشەيتۋ قاجەت. بىزدە ۇلتتىق فەدەراتسيالارمەن بىرگە كوروناۆيرۋستىڭ تارالماۋى جانە قازاقستاندىق سپورتشىلاردى ىندەتتەن قورعاۋ بويىنشا الدىن الۋ شارالارىنا قاتىستى ءبىرتۇتاس جانە بەرىك ۇستانىم بولۋى كەرەك. الدىن الۋ شارالارىنىڭ بارلىعىن قولدانۋ كەرەك", - دەدى تيمۋر قۇلىباەۆ.

پىكىرلەر