الماتىداعى «رۋح بگ» باسپاسىنان جازۋشى بەيبىت قويشىباەۆتىڭ وتكەن عاسىردىڭ 30-شى جىلدارىندا ساياسيقۋعىن-سۇرگىنگە ۇشىراعان تۇلعالار جايىندا سىر شەرتەتىن «تۇنەكتەن ورالعان ەسىمدەر» اتتى ءتورت تومدىق جيناعىنىڭ ءتورتىنشى كىتابى جارىق كوردى (قويشىباەۆ ب. تۇنەكتەن ورالعان ەسىمدەر: تۇلعا جانە تاريح. 4-كىتاپ. قابىرعا. – الماتى: «رۋح بگ» باسپاسى، 2016. – 248 بەت + 4 جاپسىرما بەت). بۇل تومدا جازىقسىز جازالانعان ون شاقتى مەملەكەت جانە ادەبيەت پەن مادەنيەت قايراتكەرلەرى تۋرالى ءسوز بولادى.
ءتورت تومدىقتىڭ وسى سوڭعى كىتابى قازاق رەسپۋبليكاسى ۇكىمەتىنىڭ باسشىسى وراز يساەۆتىڭ ءومىرى مەن قىزمەتى جايىندا قايتا قۇرۋ جىلدارىندا جاريالانعان ماتەريالمەن اشىلعان. مۇندا وقىرمان يساەۆتى كورگەن، قايراتكەرلىك قارىمىنا تىكەلەي كۋا بولعان، سونداي-اق قىزمەتتەستەرىنىڭ دە ول جونىندەگى پىكىرلەرىن كەزىندە ەستىپ-بىلگەن ارداگەردىڭ جۇرەكجاردى ەستەلىگىمەن بىرگە، ونىڭ بەينەسىن اشا تۇسەتىن كەيبىر تاريحي قۇجاتتارمەن تانىسادى. كىتاپتا سانجار اسفەندياروۆ، جانايدار سادۋاقاسوۆ، سۇلتان سەگىزباەۆ، عابۇلحاكىم بوكەيحانوۆ، تەمىربەك جۇرگەنوۆ سىندى مەملەكەت قايراتكەرلەرى، ماعجان جۇماباەۆ، قوشكە كەمەڭگەروۆ، دىنشە ءادىلوۆ سەكىلدى ادەبيەت، مادەنيەت قايراتكەرلەرى، سونداي-اق رەسپۋبليكامىزدىاشارشىلىقتان كەيىن باسقارۋعا كەلگەن لەۆون ميرزويان حاقىندا ماتەريالدار بار. سولارمەن تانىسقان وقىرماناتالعان تۇلعالاردىڭەلىنە سىڭىرگەن ەڭبەگىمەن قاتار ۇلتتىق تاريحىمىزدىڭ كەي كومەسكى بەتتەرىنەن جانە ساياسي رەپرەسسيالاراستارىنان ءبىراز ماعلۇمات الادى.
اۆتور گازەت-جۋرنالداردا وتىز شاقتى جىل ىشىندە شىققان ءتۇرلى جاريالانىمدارىنان توپتاستىرىلعانتورت تومدىعىن اياقتاي كەلە، «ءسوز سوڭىندا» سولاردىڭ نەگىزىندە الاش قوزعالىسى داستانىن جاساۋدى كوزدەيتىن ۇلكەن جوباسى بارىن ايتادى.
«تۇنەكتەن ورالعان ەسىمدەر» جيناعى الاش قوزعالىسىنىڭ 100 جىلدىعىنا، ءاليحان بوكەيحانوۆتىڭ 150 جىلدىعىنا، 1916 جىلعى ۇلت-ازاتتىق كوتەرىلىستىڭ 100 جىلدىعىنا، تاۋەلسىزدىكتىڭ 25 جىلدىعىنا وراي، بۇتكىل ۇلت ازاتتىعى جولىنا جانىن بەرگەن كۇرەسكەرلەر رۋحىنا ارناپ شىعارىلىپ وتىر. ونىڭ وتان تاريحىمەن اۋەستەنەتىندەر، زەرتتەۋشىلەر، ستۋدەنتتەر، وقۋشىلار جانە، ارينە، قالىڭ كوپشىلىك ءۇشىن پايدالى بولارى كامىل. اتالمىش جۇمىسقا قىزىعۋشىلىق تانىتىپ، كىتاپتى ساتىپ العىسى كەلەتىن ازاماتتار (8 727) 374-83-42, 8 701 746 33 01 تەلەفوندارىنا حابارلاسۋىنا بولادى.
سۋرەتتە: ب. قويشىباەۆتىڭ «تۇنەكتەن ورالعان ەسىمدەر» جيناعىنىڭ 4-كىتابى
"ادىرنا"
