تۇراربەك قۇسايىنوۆتىڭ وسى كۇنگە دەيىن ەكى كىتابى جارىق كوردى. "مەن قالاي رۋحاني جاڭعىردىم" مەن "شىرماۋىق". ەكەۋى دە قوعامدا ۇلكەن ءدۇمپۋ تۋعىزدى. اسىرەسە، ساياسي ورتادا. تۇراربەكتىڭ جارىق كورىپ وتىرعان ءۇشىنشى كىتابى قىتاي كوممۋنيستىك بيلىگىنىڭ شىڭجاڭداعى ساياسي رەپرەسسياسى تۋرالى. اۆتور كونتسلاگەرلەردە قاماۋدا بولىپ، ازاپ كورگەن تۇتقىنداردىڭ قاسىرەتتى تاعدىرىن شىنايى وقيعامەن بايانداعان.
2 ناۋرىز 2020 جىلى ساعات 15.00-دەن 17.00-گە دەيىن «تۋريست» قوناق ءۇيىنىڭ كونفەرەنتس-زالىندا «قازاقستانداعى پارلامەنتاريزمدى دامىتۋ قورىنىڭ» (بۇدان ءارى - قپدق) قولداۋىمەن تۇراربەك قۇسايىنوۆتىڭ جازعان «زۇلمات: شىعىس تۇركىستاننىڭ كۇيرەۋى»
اتتى كىتابىنىڭ تۇساۋكەسەرى وتەدى.
كىتاپ قىتاي كوممۋنيستىك بيلىگىنىڭ شىڭجاڭداعى تۇركى تىلدەس مۇسىلمان حالىقتى ۇلتتىق ەرەكشەلىگى مەن تىلىنەن ايىرىپ، جويىپ جىبەرۋ ءۇشىن جاساپ جاتقان جاپپاي رەپرەسسياسى جونىندە جازىلعان. شىڭجاڭداعى ساياسي رەپرەسسيانىڭ سيپاتى مەن زاردابى ناقتى فاكتىلەرگە نەگىزدەلىپ، كونتسلاگەرلەردە قاماۋدا بولىپ، ازاپ كورگەن تۇتقىنداردىڭ قاسىرەتتى تاعدىرى ارقىلى باياندالعان.
كىتاپ اۆتورى - «قازاقستانداعى پارلامەنتاريزمدى دامىتۋ قورىنىڭ» ساراپشىسى، «دەموس» قوعامدىق بىرلەستىگىنىڭ توراعاسى، حالىقارالىق جۋرناليستەر فەدەراتسياسىنىڭ (IFJ) مۇشەسى تۇراربەك قۇسايىنوۆ. ول بۇعان دەيىن «مەن قالاي رۋحاني جاڭعىردىم»، «شىرماۋىق» اتتى ەكى كىتاپ جازعان. اۆتور بۇل كىتاپتا ادام قۇقى مەن ليبەراليزم قۇندىلىقتارىن قورعاپ قالۋدى «ادامزات دامۋىنىڭ باستى ءپرينتسيپى» دەپ قاراستىرادى.
وتەتىن كۇنى: 2 ناۋرىز،2020 جىل.
وتەتىن ورنى: قازاقستان، نۇر -سۇلتان قالاسى، رەسپۋبليكا داڭعىلى 33, "تۋريست" قوناقۇيى
بايلانىس قىزمەتى: ارسەن قۇداباەۆ، جوبا ديرەكتورى ، e-mail:
project.office.frpk@gmail.com ، موب. + 7 707 945 78 09 ر.ت. +7 (7172) 78 01 02.
اقپارات ورتالىعى قپدق
