«داڭعىرا» ەتنيكالىق دابىلدار فەستيۆالى

7597
Adyrna.kz Telegram

2016 جىلدىڭ 07-08 مامىر كۇندەرى الماتى وبلىسىنداعى تامعالى-تاس شاتقالىندا «كوشپەندىلەر اتامۇراسى» حالىقارالىق قوعامدىق قورى مەن «الماتى» داڭعىراشىلار جوباسى جانە ۇلى دالا مارافونى"Tengri ultra trail" جانە "Djembe jam" داڭعىراشىلار مەكتەبى، "اسسەم-اي" تەاتر ستۋدياسى، «ۇلى دالا كوشپەندىلەرى» جۋرنالىنىڭ ۇيىمداستىرۋىمەن داڭعىراشىلاردىڭ «داڭعارا-2016» اتتى فەستيۆالى وتەدى.

 داڭعىرا – سوقپالى-شۋلى اسپاپ. داڭعىرا جاساۋعا اعاش جانە مال تەرىسى قولدانىلادى. شاناعى دوڭگەلەك شەڭبەر ەتىپ جاسالىپ، ءبىر جاق بەتى تەرىمەن قاپتالادى. اعاش شەڭبەرگە يلەنبەگەن بۇزاۋ تەرىسىن تاسپامەن تىگەدى. شەڭبەر ىشىنە اينالدىرا تەمىر شىعىرشىقتار تاعىلادى. كەرىلگەن تەرى كەپكەن سوڭ، ۇستىنەن تاياقپەن ۇرعاندا شىڭىلتىرلانىپ تارسىلداپ، قاتتى دىبىس شىعادى. داڭعىرا – قازىرگى باراباننىڭ قازاق اراسىنا كەڭ تاراعان ءتۇرى. داڭعىرا تۇركى تىلدەس حالىقتاردىڭ بارلىعىندا كەزدەسەدى. اسىرەسە، وزبەك حالقىندا بۇل اسپاپسىز بىردە-ءبىر جيىن-توي، بي اۋەندەرى وتپەيدى. داڭعىرانى جاۋگەرشىلىك كەزىندە دىبىس قاعۋعا دا قولدانعان.

قازاقتىڭ  مۋزىكالىق اسپاپتارى باتىس ءسىبىردى مەكەندەيتىن تۇركى تىلدەس حالىقتارىنىڭ، سونداي-اق قالماقتار مەن مونعولداردىڭ مۋزىكالىق اسپاپتارىنا كوپ ۇقساستىعى بار. «مۋزىكا ءاسپاپتارىنىڭوز ارا بايلانىستىلىعى تايعا تاڭبا باسقانداي بولىپ، اپ-ايقىن كورىنەتىن بەلگىلەرى سولتۇستىككە، ورتالىق قازاقستان مەن وڭتۇستىك سىبىرگە،التايعا جەتەلەيدى»، - دەپ تۇسىندىرەدى  مۋزىكا زەرتتەۋشىسى ۆ. ۆينوگرادوۆ. اسپاپتار وزدەرىنىڭ اتالۋىنا، قۇرىلىسىنا، ءپىشىن -تۇرىنە، ويۋ - ورنەگىنە، شىعاتىن ۇنىنە قاراي بەلگىلى ءبىر ۇلتقا ءتان بولعان، سول ۇلتتىڭ ونەرىن پاش ەتكەن.

بىزگە بىلگىلى ءبىر تەكتەس اسپاپتار ءوز ارا ۇقساس بولعانىمەن، ولاردىڭ جاسالۋىندا بىرقاتار ايىرماشىلىقتار بار. ءسىبىر حالىقتارى: التايلىقتار، حاكاستار، تۋۆالىقتار، توفىلار،شورتسىلار ءوز مۋزىكالىق اسپاپتارىنىڭ بۇرىنعى قۇرىلىسىن وزگەرتپەي، سول كۇيى ساقتاعان. ءار ءتۇرلى حالىقتاردىڭ ءبىر تەكتەس اسپاپتارىن زەرتتەگەندە  ونىڭ  ەۆوليۋتسيالىق دامۋىنىڭ كەيبىر جاقتارىن انعارۋعا بولادى.

  ۇرلەپ جانە ۇرىپ وينالاتىن اسپاپتار ەرتە زاماندا ادامداردىڭ ءبىر-بىرىنە دىبىس بەرۋى ءۇشىن نەمەسە اڭ مەن قۇستىڭ داۋىسىن سالۋ ءۇشىن پايدالانىلعانى ەشقانداي داۋ تۋعىزباسا كەرەك. مۇنداي اسپاپتاردى ءبىزدىڭ  بابالارىمىز جورىققا شىققاندارىندا، اڭ اۋلاعاندا وزدەرىمەن بىرگە الا جۇرگەن، سونداي-اق ءدىني سالت-جورالاردا، بەكزادالاردىڭ ساۋىق-سايرانىندا پايدالانعان. اسىرەسە، دابىل قاعۋعا وتە قاجەت بولعاندىقتان كونە اسپاپتاردىڭ ۇرلەپ تارتىلاتىن جانە مەمبرانالىق ۇرىپ وينالاتىن تۇرلەرى وتە كوپ بولعان، ويتكەنى، بۇلاردىڭ داۋسى قاتتى شىعادى. ال، كەيىن كەلە سيرەك قولدانىلاتىن بولعاندىقتان وسى ايتىلعان اسپاپتاردىڭ كەيبىر تۇرلەرى مۇلدە ۇمىت قالدىرىلعان. كونە اسپاپتاردىڭ ءبىر قاتارى ءان مەن جىردى سۇيەمەلدەۋ ءۇشىن پايدالانىلعان.

 فەستيۆال اياسىندا كاسىپقوي دابىلعىشىلارمەن بىرگە داڭعارادا جەكە جانە توپتىق تۇردە ويناي الاسىز. ساداقشىلارمەن بىرگە جەبەدەن نىسانا كوزدەيسىز. ەجەلگى تۇركىلەردىڭ ءان-جىرىمەن سۋسىنداپ، ناعىز كونە زاماننىڭ وزىنە ساياحاتتاپ قايتاسىز.


"ادىرنا"

پىكىرلەر