قارۋ-جاراق ۇرلاعان اسكەري قىزمەتشىنىڭ ءتورتىنشى سىبايلاسى ۇستالدى

3028
Adyrna.kz Telegram

تۇركىستان وبلىسىنىڭ اسكەري بولىمىنەن قارۋ-جاراقتاردى ۇرلاپ قاشقان اسكەري قىزمەتشىنىڭ ءتورتىنشى سىبايلاسى ۇستالدى. بۇل تۋرالى «حابار 24» حابارلايدى.

ىشكى ىستەر مينيسترلىگى مەن ۇلتتىق قاۋىپسىزدىك كوميتەتى قىزمەتكەرلەرى ەر ادامدى تانىسىنىڭ ۇيىندە جاسىرىنىپ جاتقان جەرىنەن قولعا ءتۇسىردى. ودان اسكەري بولىمنەن ۇرلانعان ەكى «ماكاروۆ» جانە تراۆماتيكالىق تاپانشا تاركىلەندى. بۇعان دەيىن قۇزىرلى ورگاندار اسكەري قىزمەتشىدەن اتىس قارۋىن ساتىپ العان ونىڭ ءۇش دوسىن ۇستاعان بولاتىن. جەدەل-ىزدەستىرۋ ءىس-شارالارى بارىسىندا ۇرلانعان بارلىق قارۋ تاركىلەندى. ولار – 29 «كالاشنيكوۆ» اۆتوماتى مەن 28 «ماكاروۆ» جانە تراۆماتيكالىق تاپانشا، سونداي-اق 2 دانا پىشاق. بۇگىنگى تاڭدا قارۋدى قىلمىستىق ماقساتتا پايدالانۋ قاۋپى جوق دەپ سەنىممەن ايتۋعا بولادى»، - دەلىنگەن اقپاراتتا.

بۇل ءىس بويىنشا كۇدىكتى رەتىندە 8 ادام جاۋاپكەرشىلىككە تارتىلۋدا.

پىكىرلەر