Türkıstan oblysynyŋ äskeri bölımınen qaru-jaraqtardy ūrlap qaşqan äskeri qyzmetşınıŋ törtınşı sybailasy ūstaldy. Būl turaly «Habar 24» habarlaidy.
Işkı ıster ministrlıgı men Ūlttyq qauıpsızdık komitetı qyzmetkerlerı er adamdy tanysynyŋ üiınde jasyrynyp jatqan jerınen qolǧa tüsırdı. Odan äskeri bölımnen ūrlanǧan ekı «Makarov» jäne travmatikalyq tapanşa tärkılendı. Būǧan deiın qūzyrly organdar äskeri qyzmetşıden atys qaruyn satyp alǧan onyŋ üş dosyn ūstaǧan bolatyn. Jedel-ızdestıru ıs-şaralary barysynda ūrlanǧan barlyq qaru tärkılendı. Olar – 29 «Kalaşnikov» avtomaty men 28 «Makarov» jäne travmatikalyq tapanşa, sondai-aq 2 dana pyşaq. Bügıngı taŋda qarudy qylmystyq maqsatta paidalanu qaupı joq dep senımmen aituǧa bolady», - delıngen aqparatta.
Būl ıs boiynşa küdıktı retınde 8 adam jauapkerşılıkke tartyluda.
Ūqsas jaŋalyqtar
