رەسەي سىرتقى ىستەر ءمينيسترى سەرگەي لاۆروۆ قازاقستان پرەزيدەنتى قاسىم-جومارت توقاەۆقا ورىس ءتىلىن قولداۋ جونىندەگى باستامالارى ءۇشىن العىس ءبىلدىردى. بۇل تۋرالى لاۆروۆ حالىقارالىق ورىس ءتىلى ۇيىمىنىڭ العاشقى مينيسترلىك كونفەرەنتسياسىندا مالىمدەدى, دەپ حابارلايدى "ادىرنا".
رف ءسىم باسشىسىنىڭ ايتۋىنشا، توقاەۆ 2021 جىلدىڭ جەلتوقسانىندا ورىس ءتىلىن ىلگەرىلەتۋمەن اينالىساتىن حالىقارالىق قۇرىلىم قۇرۋدى ۇسىنعان.
سونىمەن قاتار رەسەي پرەزيدەنتى ۆلاديمير ءپۋتيننىڭ قۇتتىقتاۋ جەدەلحاتىندا بۇل باستامانى بەلارۋس، قىرعىزستان، تاجىكستان جانە وزبەكستان دا قولداعانى اتاپ وتىلەدى.
ء«سىزدىڭ كونفەرەنتسياڭىز حالىقارالىق ورىس ءتىلى ۇيىمىنىڭ پراكتيكالىق جۇمىسىنىڭ باستالۋىن بىلدىرەدى. بۇل ۇكىمەتارالىق ۇيىم قاسىم-جومارت كەمەلۇلى توقاەۆتىڭ باستاماسىمەن قۇرىلعان، جانە ءبىز ونى بەلارۋس، قىرعىزستان، تاجىكستان جانە وزبەكستانداعى ارىپتەستەرىمىزبەن بىرگە قولدادىق»، — دەلىنگەن جولداۋدا.
