Koronavırýs: Italııa Eýropa boıynsha alda tur

3141
Adyrna.kz Telegram

Italııada koronavırýsty juqtyrǵandar sany 79 adamǵa jetti. Sońǵy eki kúnde naýqastar sany kúrt ósken. Qaýipti indet Italııanyń bes óńirinde anyqtalǵan.

Eldiń soltústigindegi Lombardııa qalasynda 54 adam aýrý juqtyrǵan. Bul týraly RIA Novostı saıtynda habarlandy.

Azamattyq qorǵanys qyzmetiniń basshysy Andjelo Borellı mınıstrler keńesiniń shuǵyl otyrysynyń qorytyndysy boıynsha baspasóz konferenııasynda sóılegen sózinde:

Taǵy 17 jaǵdaı Lombardııamen shekaralas Veneto oblysynda, eki jaǵdaı - Emılıı-Romanede, taǵy ekeýi Rım mańaıyndaǵy Laıoda (munda qytaılyq týrıster) jáne taǵy bireýi Pemontte, - dedi.

Onyń aıtýynsha, 51 adam aýrýhanaǵa túsip, 18-i ıntensıvti terapııa bóliminde jatyr, taǵy 11 adam - óz úıinde oqshaýlanǵan, olardan koronavırýstyń jańa túriniń sımptomdary anyqtalmaǵan.

21 aqpanda, jumada Italııanyń Padýıa qalasynda COVID-19 vırýsynan bir adam qaıtys boldy. Jergilikti aýrýhanada 78 jastaǵy er adam qaıtys bolǵan, onyń tynys alýy tarylǵan. Ol aqpannyń basynda Qytaıdan kelgen dosymen tamaq ishkeni anyqtaldy.

Senbide, Lombardııa oblysynyń Kodono qalasyndaǵy aýrýhanada pnevmonııadan jergilikti turǵyn 77 jastaǵy áıel qaıtys bolǵany belgili boldy.

Euronews málimetinshe, 15 myń turǵyny bara qalashyqta turǵyndarǵa syrtqa shyqpaýǵa, balalardy mektepke jibermeý jáne shirkeýge barmaý usynylǵan.

Aıta keteıik, Qytaıda koronavırýs juqtyrǵandar sany 75 936 adamǵa jetken, onyń 2442-i qaıtys bolǵan. 22 888 adamnyń densaýlyǵy jaqsaryp, aýrýhanadan shyqqan.

Pikirler