الماتىداعى ميتينگ (فوتو، ۆيدەو)

16779

فوتو ايان قالمۇرات، "ازاتتىق"

بۇگىن الماتىداعى "استانا" الاڭىن تاڭەرتەڭنەن پوليتسيا مەن ارنايى جاساق، ۇلتتىق "ۇلان" قورشاپ تۇردى. دەموكراتيالىق پارتيا قۇرامىن دەپ مالىمدەگەن جانبولات مامايدىڭ جاقتاستارى جينالىپ، تۇندە قاماۋعا الىنىپ، ءۇش تاۋلىككە قامالعان جانبولاتتى بوساتۋدى تالاپ ەتتى. دەمپارتيانىڭ جاقتاستارى مەن بەلسەندىلەرىن پوليتسيا بولىمىنە الىپ كەتتى. جيىرمادان استام ادام قاماۋعا الىندى. ينتەرنەت وسى اۋماقتا بۇعاتتالعاندىقتان تىكەلەي ەفيرگە شىعۋ مۇمكىن بولمادى.

ءتۇس اۋا قازاقستاندا ەكسترەميستىك ۇيىم دەپ تانىلعان "قازاقستاننىڭ دەموكراتيالىق تاڭداۋى" قوزعالىسى مەن ونىڭ ليدەرى مۇحتار ءابليازوۆتىڭ قازاقستاننىڭ بىرنەشە ايماعىندا جاريالاعان قارسىلىق اكتسيالارى باستالدى. الاڭعا كەلگەن  جۇرتتى ارنايى جاساق تاعى دا  جاسى ۇلكەن-كىشى، ەر-ايەل دەمەي پوليتسيا بولىمدەرىنە تاسىدى. مۇگەدەكتەر ارباسىندا وتىرعان، ءوزىن ورالدانمىن دەگەن ەرىك جۇماباەۆ ەسىمدى بەلسەندىنى مۇگەدەكتەر ارباسىمەن بىرگە جەدەل-جاردەمگە سالىپ اكەتتى. الماتىداعى ۇستالعاندار سانى جۇزدەن اسادى.

"استانا" الاڭىندا پوليتسيا عانا تۇر.

پاۆەل ميحەەۆ، "رەيتەر"

ايان قالمۇرات، "ازاتتىق"

 

وڭعار قابدەن،

"ادىرنا" ۇلتتىق پورتالى

 

پىكىرلەر