نازارباەۆ قازاق حالقىنىڭ قانشا جىلدىق تاريحى بار ەكەنىن ايتتى

 قازاقستاننىڭ تۇڭعىش پرەزيدەنتى – ەلباسىنىڭ ءباسپاسوز قىزمەتى نۇرسۇلتان نازارباەۆتىڭ 2014 جىلى ايتقان قازاق حالقىنىڭ تاريحى تۋرالى ءسوزىن الەۋمەتتىك جەلىدە جاريالادى.

"مەنىڭ زامانداستارىم، ودان كەيىنگى ۇرپاق قازاق تاريحى قازان توڭكەرىسىنەن باستالادى دەپ ەسەپتەدىك. ءبىز ءۇشىن قازاقتىڭ باسقا تاريحى بولماعانداي ەدى. الايدا قازىر ونى تەرەڭ زەرتتەۋىمىز قاجەت", - دەيدى ەلباسى.

نازارباەۆتىڭ پايىمداۋىنشا، ءبىزدىڭ اتا-بابامىز – عۇندار، ودان جاقىنداۋ كەلسەك – ۇلى تۇرىك قاعاناتى.

ء"بىزدىڭ جەرىمىز ارقاشان سول مەملەكەتتەردىڭ ورتالىعى بولعان. سونداي-اق، التىن وردا مەملەكەتى بار. وسىنىڭ بارلىعىن قورىتىندىلاساق ءبىزدىڭ تاريحىمىز ەكى مىڭ جىلعا جالعاسادى. الۋان ءتۇرلى زاماندى باستان وتكەرە وتىرىپ، ءبىز ءوز ءتىلىمىزدى، ءدىنىمىزدى جانە وزىندىك ەرەكشەلىگىمىزدى ساقتاي الدىق. ءبىز جاستارىمىزدى وسى رۋحتا تاربيەلەۋىمىز كەرەك", - دەپ تۇيىندەگەن نۇرسۇلتان نازارباەۆ.

sputniknews.kz