كەڭەس ۇكىمەتى ساياساتى قازاققا زاۋالدى بولعانى بەلگىلى، ال ەگەمەندىك تۇسىندا بيلىكتىڭ مەملەكەتشىلدىك پيعىلى، وكىنىشكە وراي، بايقالمايدى. مەملەكەتىمىزدىڭ اتامەكەن مەن وتاندى امان ەسەن ساقتاۋ ارەكەتتەرىن كورمەي ءجۇرمىن. مۇمكىن قورداي ىلاڭى ، سونىڭ سالدارىنان ساباق پەن تاعلىم الاتىن بولارمىز. الدىمەن اسسامبلەيا ساياساتى كونتسەپتسياسىن قايتا قاراستىرعان ءجون. ءار ساياسات اكتسەنتتەرى جاڭا پريوريتەتتەرگە سايكەس وزگەرەدى.
قازىرگى ساياسات 1990-شى پايدا بولدى. كەزىندە بۇل ۇستانىمدار دۇرىس بولعانعا ۇقسايدى، بىراق ۋاقىت وتكەن سايىن بۇل پرينتسيپتەر كومەسكىلەنە باستادى. سەبەبى قازاق سانى ءوستى، مەملەكەتىمىز اياعىنا نىق تۇردى، الەمدىك سۋبەكت رەتىندە مويىندالدى. ەندى زاڭدى تۇردە ەسكى ۇستانىمدار ءوزىن اقتامايتىن بولعانى بەلگىلى. بۇرىن قازاق ۇلتىنىڭ زاڭدى قۇزىرىن كەمسىتۋ ءجۇردى، ماسەلەڭ ، ال بۇگىنگى تاڭدا مەملەكەتتىك ءتىل قۇزىرەتىن كوتەرەتىن كەز كەلدى. ەگەردە قازاقتىڭ زاڭدى مۇددەسى قورعالماسا بيلىكتىڭ ابىروي تومەندەيدى-دەساكراليزاتسيا ءۇردىسى باستالماق. بۇل دەگەنىمىز ۇلتتىق داعدارىس باستالۋى ىقتيمال. قازاق ءتوزىمدى حالىق- الەۋمەتتىك، ەكونوميكالىق كەلەڭسىزدىككە كونىپ كەلەدى، سەبەبى مەملەكەتتى ساقتاۋ ماقساتى ماڭىزدى ەدى. بيلىك قازاقتىڭ قۇندىلىقتارىنا نيگيليستىك تۇرعىدان قارايدى. ايتالىق قازاق ءتىلى مەن مەكتەبىن قولداۋىن بايقامايمىن، اسىرەسە ۋنيۆەرسيتەتتەردەگى قازاق بولىمدەرىنە قولداۋ جوق دەمەكپىن. قازاق بۇقاراسى قازاق مەكتەبىنە بەتبۇرىس جاسادى، 92% قازاق بالاسى قازاق مەكتەبىنە باراتىن بولدى. لاتىنشانى قازاققا جازباسىنا ەنگىزۋ قازاق ءتىلىنىڭ دامۋىنا ديۆەرسيا دەمەكپىن. ءبىز اراب، لاتىن، قازاقتانعان ورىس بولدىق ، ەندى مىنە قايتادان لاتىن الىپپەسىنە كوشتىك، سوندا قانشا سوققىدان وتتىك، ال ورىستار تياناقتى الفاۆيتىندە وتىر.
"ادىرنا" ۇلتتىق پورتالى
