پولشادان ۇتىلعان «بارىس» تسسكا-دان مىقتى شىقتى

2710
Adyrna.kz Telegram

قۇرلىقتىق حوككەي ليگاسىندا ونەر كورسەتەتىن نۇر-سۇلتاننىڭ «بارىس» كومانداسى سىرت ايدىندا ماسكەۋدىڭ تسسكا كومانداسىنان باسىم ءتۇستى. ەسەپ – 3:2.

جۋىردا عانا نۇر-سۇلتاندا حوككەيدەن وليمپيادالىق ىرىكتەۋ تۋرنيرىندە نەگىزگى قۇرامى «بارىس» ويىنشىلارىنان قۇرالعان قازاقستان ۇلتتىق قۇراماسىنىڭ حوككەيشىلەرى پولشا قۇراماسىنان 2:3 ماسقارا بولىپ ۇتىلعان ەدى. وسى جەڭىلىستەن كەيىن ىرىكتەۋدىڭ كەلەسى ساتىسىنا وتە الماي قالعان.

ءبىر قىزىعى «بارىستان» ۇتىلعان تسسكا كومانداسى 86 ۇپاي جيىپ، قۇرلىقتىق حوككەي ليگاسىنىڭ باتىس كونفەرەنتسياسىندا ءبىرىنشى ورىندا كەلەدى.  ءارى اتالعان چەمپيوناتتىڭ وتكەن جىلعى جەڭىمپىزى اتانعان. ال «بارىس» قحل-دىڭ شىعىس كونفەرەنتسياسىندا ءۇشىنشى 77 ۇپايمەن ءۇشىنشى ورىنعا جايعاسقان. «بارىستىڭ» الدىندا 82 ۇپايى بار «اۆنگارد» پەن 85 ۇپاي جيناعان «اق بارس» كوماندالارى بار.

قحل-دىڭ 5 تۋردان كەيىن اينالىمدىق جۇيەدەگى كەزدەسۋلەرى اياقتالىپ، پلەي-وفف كەزەڭى باستالادى.

پىكىرلەر