فوتو: Xiao Yijiu/Xinhua/Global Look Press
شەنەۋنىك كارانتين شارتىن دۇرىس ورىنداماعان
كورەي حالىق دەموكراتيالىق رەسپۋبليكاسىنىڭ (سولتۇستىك كورەيا) بيلىگى كوروناۆيرۋسقا بايلانىستى كارانتين شارتتارىن قىتايدان كەلگەن سوڭ دۇرىس ورىنداماعان ساۋدا وكىلىن اتىپ تاستادى، دەپ حابارلايدى Azattyq Rýhy.
شەنەۋنىك قىتايدان كەلگەن سوڭ 14 كۇن بويى ۇيىندە وتىرۋى ءتيىس بولعان. الايدا ول اتالمىش مەرزىم اياقتالماستان ۇيىنەن شىعىپ كەتىپ، قوعامدىق مونشاعا جۋىنۋعا بارعان. ەر ادامنىڭ بۇل ارەكەتىن ءبىلىپ قويعان بيلىك ونى دەرەۋ تۇتقىنعا الىپ، ارتىنشا اتىپ تاستاعان، دەپ جازادى Dong-a Ilbo باسىلىمى قحدر-داعى اقپارات كوزدەرىنە سىلتەي وتىرىپ.
باسىلىم دەرەگىنشە، سولتۇستىككورەيالىق كوشباسشى كيم چەن ىن كارانتين شارتتارىن بۇزعان كەز كەلگەن ادامدى سوعىس ۋاقىتىنىڭ زاڭىمەن قاتاڭ جازالايتىنىن مالىمدەگەن.
سونداي-اق، رەسەيدەگى سانكت-پەتەربۋرگ قالاسىنىڭ باس سانيتارلىق دارىگەرى س.پ. بوتكين اتىنداعى كلينيكالىق جۇقپالى اۋرۋلار اۋرۋحاناسىنىڭ پاتسيەنتى بولعان ايەلدى سوتقا بەردى. ول قاشقىن ايەلدىڭ مەديتسينالىق مەكەمەگە ءماجبۇرلى تۇردە قايتا جاتقىزىلۋىن تالاپ ەتكەن.
