ءالىمحانۇلى IBF جانە WBC چەمپيونى كاردىندا جۇدىرىقتاسادى

2640
Adyrna.kz Telegram

ورتا سالماقتا جۇدىرىقتاساتىن قازاقستاندىق بوكسشى جانىبەك ءالىمحانۇلى (8-0, 4 كو) ءبىرىنشى رەت كانادادا جەكپە-جەك وتكىزەدى. بۇل تۋرالى  Vesti.kz حابارلايدى.

ESPN ءجۋرناليستى ستيۆ كيم ءوزىنىڭ تۆيتتەر جەلىسىندە ورتا ديۆيزيوندا WBC Continental Americas جانە WBO Global تيتۋلدارىنا يە ءالىمحانۇلى 28 ناۋرىز كۆەكتەگى بوكس كەشىندە رينگكە شىعاتىنىن حابارلادى. بۇل بوكس كەشىنىڭ باستى كەزەدسۋىندە جارتىلاي اۋىر سالماقتا IBF جانە WBC چەمپيونى رەسەيلىك ارتۋر بەتەربيەۆ (15-0, 15 كو) قىتايلىق مەن فانلۋنمەن (16-0, 10 كو) جۇدىرىقتاسادى.

ەسكە سالايىق، جانىبەك كەيىنگى رەت رينگكە 10 قاراشا اقش-تىڭ فرەسنو قالاسىندا شىعىپ، كانادالىق البەرت ونولۋنوسەنى (24-3-1, 8 كو) التىنشى راۋندتا نوكاۋتقا تۇسىرگەن.

پىكىرلەر