«چىن چيۋشى قايدا كەتتى؟» سوڭعى بىرنەشە كۇندە الەم ەلدەرىندەگى جەلى قولدانۋشىلارى وسى ءبىر قىتاي جۋرناليسكە ىزدەۋ سالىپ جاتىر. ول گونكونگ داعدارىسى كەزىنەن باستاپ الەمنىڭ بىرقاتار ەلىنە تانىمال بولعان. الەۋمەتتىك جەلى قولدانۋشىلارى ونى بەيتاراپ اقپارات تاراتۋشى، ازاماتتىق جۋرناليس رەتىندە بىلەدى.
ۋحان قالاسىندا توتەنشە جاعداي جاريالانىپ، قالاعا كارانيتن قويىلعان كەزدە چىن چيۋشى سول قالاعا بارىپ، الەم جۇرتشىلىعىنا ۋحاندا نە بولىپ جاتقانى تۋرالى انىق مالىمەت بەرۋ ءۇشىن بارعانىن ءبىلدىرىپ ۆيدەو جولداۋىن جاساعان. ونىڭ «شي ءجينپيڭنىڭ (قىتاي باسشىسى) قايدا كەتكەنىن بىلمەيمىن، ال مەن ۋحانعا كەلدىم» دەگەن ءسوزى الەۋمەتتىك جەلى دە كەڭ تاراپ كەتكەن بولاتىن.
بۇدان 6 كۇن بۇرىن اتالعان جۋرناليست ءىز-دەرەكسىز جوعالىپ كەتكەن. وعان دەيىن جۋرناليس ۋحانداعى ورتالىق ەمحانادان جانە ءوزى تۇراتىن قوناق ۇيدەن ءار كۇنى ۆيدەو مالىمدەمەلەر جاساپ تۇرعان بولاتىن. ال، بۇگىن ونىڭ دوسى ءارى YouTube جەلىسىندە «بەيجىڭدىك جەكە باتىر» دەگەن لاقاپ اتپەن بەلگىلى قىتاي ازاماتى تىكەلەي ەفيردە جۋرناليس چىندى قاۋىپسىزدىك قىزمەتكەرلەرى ءۇي قاماۋىنا العانىن مالىمدەگەن. ول جانە دوسىنىڭ دەنساۋلىعى جاقسى ەكەنىن ايتا كەلىپ، وزىندە بار بارلىق مالىمەتتى ايتىپ بەرۋ ونىڭ باس اماندىعىنا قاۋىپ توندىرەتىنىن ايتقان.
چىن جاريالاعان ۆيدەو جولداۋلار YouTube جەلىسىندە بىرنەشە ميلليون . سونداي-اق، ونىڭ ءىز دەرەكسىز كەتۋى قىتاي ءتىلدى جانە بىرقاتار الەم ەلدەرىنىڭ جەلى قولدانۋشىلارى اراسىندا تالقى تاقىرىبىنا اينالعان. ءتىپتى، كەيبىر جەلى قولدانۋشىلارى جۋرناليس چىن چيۋشىنىڭ جوعالىپ كەتۋى قىتاي ۇكىمەتىنىڭ الدە نەنى جاسىرعىسى كەلگەنىن، مۇمكىن ۆيرۋس جاعدايى رەسمي مالىمەتتەردەن الدە قايدا اۋىر ەكەنىنەن دەرەك بەرەدى دەپ قارايدى. “
