«شۆەيتساريادا اباي مەن ءال-فارابي بەينەلەنگەن ماركالار شىعارىلدى»،- دەپ حابارلايدى قر سىرتقى ىستەر مينيسترلىگىنىڭ ءباسپاسوز قىزمەتى.
"شۆەيتسارياداعى قازاقستان ەلشىلىگى قازاقتىڭ ۇلى اقىنى، ويشىل ابايدىڭ 175 جىلدىعىنا جانە تۇركى فيلوسوفى ءابۋ ناسر ءال-ءفارابيدىڭ 1150 جىلدىعىنا ارنالعان مەرەيتويلىق پوشتا ماركالارىن شىعارۋعا باستاما جاسادى",-دەلىنگەن سارسەنبى كۇنى تاراتىلعان حابارلامادا.
ۆەدومستۆودا اتاپ وتكەندەي، ەلشىلىك شىعارىلعان ماركالاردى ءوزىنىڭ كۇندەلىكتى ىسكەرلىك حات-حابارلارىندا پايدالانادى.
"قازىر شۆەيتساريانىڭ بارلىق اۋماعىندا مەرەيتويلىق ماركالاردى تاراتۋ بويىنشا كەلىسسوزدەر جۇرگىزىلۋدە", - دەپ حابارلادى سىرتقى ساياسي ۆەدومستۆو.
سىرتقى ىستەر مينيسترلىگىنىڭ وكىلدەرى شۆەيتساريا مەملەكەتىنىڭ پوشتا ماركالارى ەلدىڭ باستى برەندتەرىنىڭ ءبىرى ەكەنىن ەسكە سالدى.
"SwissPost ماركالارى اسىرەسە كوللەكتسيونەرلەر مەن تۋريستەر اراسىندا تانىمال. بۇل كومپانيانىڭ پوشتا قىزمەتتەرى بويىنشا اينالىمى جىلىنا 2 ملرد.حاتقا جەتەدى. شۆەيتساريادا قازىرگى زامانعى تسيفرلىق تەحنولوگيالار مەن ەلەكتروندىق سەرۆيستەردىڭ جوعارى دامۋىنا قاراماستان، پوشتا ەڭ تانىمال كوممۋنيكاتسيالىق رەسۋرستاردىڭ ءبىرى بولىپ قالا بەرەدى. بۇل ەل ازاماتتارى مەن رەزيدەنتتەرىنە عانا ەمەس، سونداي - اق كومپانيالارعا، حالىقارالىق ۇيىمدارعا، فەدەرالدىق، كى جانە مۋنيتسيپالدىق بيلىك ورگاندارىنا دا قاتىستى حاتتاردى كوپ جولدايدى", - دەلىنگەن حابارلامادا.
