قورداي: اقساقال مەن بالالارىن سوققىعا جىققاندار ۇستالدى

4047
Adyrna.kz Telegram

قورداي اۋدانىندا قاريانىڭ ەكى بالاسىن ۇرىپ-سوققاندار ۇستالدى، – دەپ حابارلايدى Tengrinews.kz.

بۇل تۋرالى پرەمەر-ءمينيستردىڭ ورىنباسارى بەردىبەك ساپارباەۆ ءباسپاسوز ءماسليحاتىندا ايتتى. ودان جۋرناليستەر «قاريانىڭ ەكى بالاسىن ۇرىپ-سوققاندار تۋرالى اقپارات بولدى، ولار ۇستالدى ما؟ قانداي جازاعا تارتىلادى؟» دەپ سۇرادى.

– ۇستالدى. قازىرگى ۋاقىتتا تەرگەۋ ءجۇرىپ جاتىر، ولاردىڭ قالاي جازالاناتىنى تەرگەۋ اياقتالىپ، سوت ۇكىمى شىققاندا انىقتالادى. كەشە بىزگە پوليتسەيلەردى ۇرىپ-سوققاندار تۋرالى دا سۇراق قويىلدى. ولار دا ۇستالدى. ۇستالعاندارعا قاتىستى قىلمىستىق ءىس قوزعالدى. تەرگەۋ ءجۇرىپ جاتىر، – دەپ جاۋاپ بەردى ساپارباەۆ.

قورداي اۋدانىنداعى تارتىپسىزدىكتەر بويىنشا 25 قىلمىستىق ءىس قوزعالدى

بۇعان دەيىن ازامات ەرعالي ەسىمدى Facebook قولدانۋشىسى الماتىداعى №7 قالالىق كلينيكالىق اۋرۋحانادا جاتقان زەينەتكەردىڭ جاعدايىن سۇراعان. ءوز كەزەگىندە قاريا قازاقستاندىقتاردان وشىكپەۋدى سۇراعان بولاتىن.

– اتامىز ساۋ، جاعدايى ءماز ەمەس. ءبىراز سوققى جەگەن. وپەراتسياعا دايىندالىپ جاتقان اتانىڭ جاعدايى قيىن بولعانىمەن، ءبىزدىڭ تولەگەن اتا حالىقتان وشىكپەۋدى سۇرادى. بەيبىتشىلىك بولسا دەيدى. ەشقانداي ءوش الۋدىڭ كەرەگى جوعىن، حالىق زارداپ شەگەتىن سالداردىڭ قاجەتى جوق ەكەنىن ايتتى. ءبىزدىڭ اتالارىمىزدىڭ جومارتتىعى بۇل. سولارعا قۇلاق اسايىق، – دەگەن ەدى قارتپەن كەزدەسۋدى ۆيدەوعا تۇسىرگەن ازامات ەرعالي.

قوردايداعى قاقتىعىستا زارداپ شەككەن اقساقال جاعدايىن ايتتى

ەسكە سالايىق، 7 اقپاندا جامبىل وبلىسى قورداي اۋدانى ماسانچي اۋىلىندا تۇرعىندار اراسىندا جاپپاي توبەلەس بولدى.

جاپپاي توبەلەسكە 300-گە جۋىق ادام قاتىسقان. اۋقاتتى اۋىلى جانە بۇلان باتىر اۋىلدارىندا جانجال شىقتى. بۇزاقىلار مەتالل زاتتارىن، اتىس قارۋىن قولدانعان.

مەديتسينالىق مەكەمەلەرگە 137 ادام كومەك سۇراپ كەلدى. ەكى پوليتسەي زارداپ شەككەن. 30-عا جۋىق ءۇي، 15 ساۋدا ورتالىعى قيراعان، 23 كولىك ورتەنگەن.

پىكىرلەر