7 اقپان كۇنگى قوردايدا بولعان قاقتىعىستا قامالعان قازاق جىگىتتەرى بوساپ شىقتى. ولاردى جەرگىلىكتى تۇرعىندار قارسى الدى.
قاماۋدا بولعانداردىڭ ايتۋىنشا، ولاردىڭ كەيبىرىن پوليتسيا كوشەدە كەتىپ بارا جاتقان جەرىنەن ۇستاپ العان.
"بۇلان باتىر اۋىلىنان كەلگەنمىن. كوشەدە كەتىپ بارا جاتقان جەرىمىزدەن ۇستاپ الدى.جيىنى 40 ادامداي ۇستالدى. بوستىپ جاتىر. دۇڭگەندەردى قاماعان جوق. قازاقستاردى عانا قامادى»،-دەيدى بوساپ شىققان ازاماتتاردىڭ ءبىرى.
ەسكە سالايىق، جامبىل وبلىسىنىڭ قورداي اۋدانىندا ماسانشى اۋىلىندا 7 اقپاندا جانجال شىعىپ، كەيىن توبەلەسكە كورشى اۋقاتتى جانە بۇلان باتىر اۋىلدارىنان كەلگەن تۇرعىندار قوسىلعان. ەكى جاق ءبىر-بىرىنە تاس لاقتىرىپ، تاياقپەن ۇرعان. ءتىپتى، قارۋ دا قولدانعان. كەلەسى كۇنى قاقتىعىس سالدارىنان 10 ادامنىڭ قازا بولىپ، 40-تان استامى جاراقات العانى بەلگىلى بولدى.
