Keshe Qordaıdaǵy qaqtyǵysqa baılanysty Qazaqstan dúńgender qoǵamynyń Almaty fılıaly Jambyl oblysynyń Qordaı aýdanynda bolǵan jappaı tóbeles kezinde qaza bolǵandardyń aty-jónin jarııalady.
- Isyrov Bahý, 1988 jyly týǵan
- Chonteı Abdýla, 1986 jyly týǵan
- Harsanov Ram
- Iasyrov Malık, Sortóbe aýylyndaǵy №17 orta mekteptiń qazaq tili jáne ınformatıka pániniń muǵalimi
- Shısyr Rahım
- Hıshanlo Sýleıman
- Lohash Lýgmar (Bulan Batyr aýyly)
- Kırov Ishar (Bulan Batyr aýyly)
"Jerleýdi uıymdastyrýǵa kómektesý boıynsha ótinishter túsip jatyr", - dep habarlaǵan bolatyn Qazaqstan dúńgender qoǵamynyń Almaty fılıaly.
Oqıǵa ornynda júrgen bizdiń tilshimiz Ońǵar Qabdenniń aıtýynsha, qaıtys bolǵandar tek qana dúńgender emes, arasynda qazaqtar da bar.
«Qaıtys bolǵandardy jarııalaǵan tizimde qazaq balarynyń aty-jóni joq. Al rasynda qaıtys bolǵan qazaqtar bar. Qordaı aýdany, Talapty aýylynyń turǵyny Darhan Ábdirahym sol qaqtyǵysta qaıtys bolǵan. Darhannyń áke-sheshesi qazir «qaıtys boldy» degen kýáligin de ala almaı otyr. 2000 jyly týǵan Masanov Murat degen jigitti áke-shesheleri, týǵan-týystary múlde tappaı jatyr. 7 aqpan kúni keshkisin úıden shyqqan osy jigit iz-túzsiz joǵalǵan»,-deıdi tilshimiz.
Jergilikti turǵyndar qazirde osy jaıtqa narazy. Kópshilik qaýym qazirde tıisti organdar qaıtys bolǵan qazaq balalarynyń naqty tizimi ashyp aıtylýy kerektigin basa aıtyp otyr.
"Adyrna" ulttyq portaly
