ۆيتسە-پرەمەر كيكىلجىڭنىڭ نەگىزگى سەبەبىن ءبىلدى

1783

جامبىل وبلىسى قورداي اۋدانىنداعى وقيعا سالدارىن جويۋ جونىندەگى ۇكىمەت كوميسسياسىن باستاپ بارعان بەردىبەك ساپارباەۆ ماسانچي اۋىلى اقساقالدارىنان وقيعانىڭ نەگىزگى سەبەبىن سۇراپ ءبىلدى، - دەپ حابارلايدى Tengrinews.kz تىلشىسى.

اۋدان اقساقالدارىمەن اڭگىمەلەسۋ كەزىندە بەردىبەك ساپارباەۆ بولعان كيكىلجىڭنىڭ نەگىزگى سەبەپتەرى تۋرالى سۇرادى.

"سەبەبى - تۇرمىستىق كيكىلجىڭ. قازىر جاعداي تۇراقتالدى. بارلىعى زاڭ بويىنشا، قۇقىقتىق سالا اياسىندا بولۋىن سۇرايمىز", - دەدى سورتوبە اۋىلىنىڭ تۇرعىنى ارلي مۋساروۆ.

ۆيتسە-پرەمەر اۋداندا تۇراقتىلىقتى قامتاماسىز ەتۋ ءۇشىن مەملەكەت باسشىسىنىڭ تاپسىرماسى بويىنشا ۇكىمەت كوميسسياسى ارنايى كەلگەنىن اتاپ ايتتى.

ء"بىز سىزدەردەن، قوعامدا بەدەلى بار اقساقالداردان تۇرعىندارعا ءبىزدىڭ جاعدايدى وبەكتيۆتى تۇرعىدا انىقتاۋ ءۇشىن كەلگەنىمىزدى تۇسىندىرۋلەرىڭىزدى وتىنەمىز. كىنالىلەر جازاسىن تارتادى. بارلىق زارداپ شەككەندەرگە قاجەتتى مەديتسينالىق جانە باسقا دا كومەك كورسەتىلىپ جاتىر. قازىر باستى ماسەلە - وڭىردەگى تۇراقتىلىقتى، قۇقىقتىق ءتارتىپ پەن قاۋىپسىزدىكتى قامتاماسىز ەتۋ", - دەدى بەردىبەك ساپارباەۆ.

قورداي اۋىلىندا ۆيتسە-پرەمەر ارۋحاناعا باردى، توپتاسقان توبەلەس كەزىندە زارداپ شەككەن تۇرعىندارمەن سويلەستى. مەديتسينالىق مەكەمەلەرگە 12 ادام جاتقىزىلدى، 20 ادام باقىلاۋدا جانە ەمحانادان شىعارۋعا ازىرلەنۋدە. 5 پاتسيەنت سانيتاريالىق اۆياتسيا جەلىسى بويىنشا الماتى قالاسىنا، 1 ناۋقاس تاراز قالاسىنا اۋىستىرىلدى. بارلىعىنا قاجەتتى مەديتسينالىق كومەك تولىق كولەمدە كورسەتىلىپ جاتىر. مەديتسينالىق كومەككە بارلىعى 127 ادام جۇگىندى، ونىڭ ىشىندە 84 ادام تەكسەرۋدەن سوڭ ۇيىنە جىبەرىلگەن.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket