باستى بەت
جاڭالىقتار
جامبىل وبلىسىندا بولعان وقيعادا 8 ادام قازا تاپتى

جامبىل وبلىسىندا بولعان وقيعادا 8 ادام قازا تاپتى

08.02.2020

3075

https://adyrna.kz/content/uploads/2020/02/mararar.jpeg

ىشكى ىستەر ءمينيسترى ەرلان تۇرعىمباەۆ جامبىل وبلىسىندا بولعان پوليتسەيلەرمەن قاقتىعىستا 8 ادام قازا تاپقانىن ايتتى، - دەپ حابارلايدى Tengrinews.kz تىلشىسى.

ىشكى ىستەر ءمينيسترىنىڭ مالىمەتىنشە، 7 اقپاندا ساعات 19:00-دە جامبىل وبلىسى پوليتسيا دەپارتامەنتىنە قورداي اۋدانى ماسانچي اۋىلىنىڭ ماڭىندا 70-تەن اسا ادام توبەلەسىپ جاتقانى تۋرالى اقپارات تۇسكەن.
"زاڭسىز ارەكەتتەردى توقتاتۋ ءۇشىن وقيعا ورنىنا دەرەك پوليتسيا قىزمەتكەرلەرى جىبەرىلدى. سول جەردە بولعان ادامدار توبەلەسىپ، ۆيدەوعا ءتۇسىرىپ، الەۋمەتتىك جەلى ارقىلى تاراتقان. سالدارىنان باسقا اۋىلداردان كەلگەن 300-دەن استام ازامات توبەلەسكە قوسىلىپ كەتكەن. ەكى تاراپ ءبىر-بىرىنە تاس لاقتىرىپ، تاياقپەن ۇرىپ، قارۋ قولدانعان. 8 ادام قازا بولدى، 40 ادامنان استام جاراقات الدى. اراسىندا قارۋدان زارداپ شەككەندەر دە بار. جاعدايدى تۇراقتاندىرۋ ءۇشىن وقيعا ورنىنا ىشكى ىستەر ورگاندارىنىڭ قوسىمشا كۇشتەرى جىبەرىلدى", - دەپ حابارلادى مينيستر وكق بريفينگىندە.

ەسكە سالايىق، بۇعان دەيىن 7 اقپاندا جامبىل وبلىسى قورداي اۋدانى سارتوبە جانە ماسانچي اۋىلدارىندا پوليتسەيلەرگە شابۋىل جاسالىپ، جاپپاي توبەلەس شىققانى ءمالىم بولعان.

توقاەۆ قورداي اۋدانىنداعى جاعدايعا قاتىستى پىكىر ءبىلدىردى. ول وقيعانى ارانداتۋشىلار ءوز پايداسىنا قولدانباق بولعانىن مالىمدەگەن.

كەيىن پرەزيدەنت جامبىل وبلىسىنداعى وقيعالارعا بايلانىستى مالىمدەمە جاساپ، قازا تاپقاندار مەن زارداپ شەككەندەر جايلى مالىمدەمە جاساعان.