Ishki ister mınıstri Erlan Turǵymbaev Jambyl oblysynda bolǵan polıeılermen qaqtyǵysta 8 adam qaza tapqanyn aıtty, - dep habarlaıdy Tengrinews.kz tilshisi.
Ishki ister mınıstriniń málimetinshe, 7 aqpanda saǵat 19:00-de Jambyl oblysy polıııa departamentine Qordaı aýdany Masanchı aýylynyń mańynda 70-ten asa adam tóbelesip jatqany týraly aqparat túsken.
"Zańsyz áreketterdi toqtatý úshin oqıǵa ornyna derek polıııa qyzmetkerleri jiberildi. Sol jerde bolǵan adamdar tóbelesip, vıdeoǵa túsirip, áleýmettik jeli arqyly taratqan. Saldarynan basqa aýyldardan kelgen 300-den astam azamat tóbeleske qosylyp ketken. Eki tarap bir-birine tas laqtyryp, taıaqpen uryp, qarý qoldanǵan. 8 adam qaza boldy, 40 adamnan astam jaraqat aldy. Arasynda qarýdan zardap shekkender de bar. Jaǵdaıdy turaqtandyrý úshin oqıǵa ornyna ishki ister organdarynyń qosymsha kúshteri jiberildi", - dep habarlady mınıstr OKQ brıfınginde.
Eske salaıyq, buǵan deıin 7 aqpanda Jambyl oblysy Qordaı aýdany Sartóbe jáne Masanchı aýyldarynda polıeılerge shabýyl jasalyp, jappaı tóbeles shyqqany málim bolǵan.
Toqaev Qordaı aýdanyndaǵy jaǵdaıǵa qatysty pikir bildirdi. Ol oqıǵany arandatýshylar óz paıdasyna qoldanbaq bolǵanyn málimdegen.
Keıin Prezıdent Jambyl oblysyndaǵy oqıǵalarǵa baılanysty málimdeme jasap, qaza tapqandar men zardap shekkender jaıly málimdeme jasaǵan.
Басқалармен бөлісе отырыңыз
