بۇگىن دەنساۋلىق ساقتاۋ ءمينيسترى ەلجان ءبىرتانوۆ نۇر-سۇلتان قالاسىندا ورنالاسقان ۇلتتىق ەكسپەرتيزا ورتالىعىنىڭ ۆيرۋسولوگيا زەرتحاناسىنا بارىپ، ۆيرۋستى ينفەكتسيالاردى زەرتتەۋدى ءوز كوزىمەن كورىپ قايتتى. بۇل تۋرالى مينيستر ءبىرتانوۆ ءوزىنىڭ facebook پاراقشاسىندا جازدى.
«ارنايى بارىپ، جاڭا پايدا بولعان كوروناۆيرۋس ينفەكتسياسى قالاي انىقتالاتىنىن ءبىلىپ قايتتىم. ۆيرۋستى ينفەكتسيالاردى دياگنوستيكالاۋ ءتاسىلى ارقىلى وتە قاۋىپتى شتامدار، سونىڭ ىشىندە جاڭادان شىققان كوروناۆيرۋس 2019-nCoV ينفەكتسياسى انىقتالادى. بۇگىنگە دەيىن كوروناۆيرۋستىڭ جاڭا ءتۇرىن جۇقتىردى دەگەن كۇدىكپەن 180 ادام تەكسەرىلدى. زەرتتەۋ كورسەتىپ وتىرعانداي، ناۋقاستاردىڭ كوبىنەن تۇماۋ جانە تۇماۋعا جاتاتىن اۋرۋلار انىقتالدى»، - دەپ جازعان مينيستر الەۋمەتتىكە جەلىسىندەگى پاراقشاسىنا.
نۇر-سۇلتان قالاسىنداعى زەرتحانادا جاڭا كوروناۆيرۋس ينفەكتسياسىن انىقتاۋدىڭ ءتاسىلى ءبىر ىزگە سالىنان. ورتالىق ءتيىستى دياگنوتيكالىق تەست-جۇيەسىمەن دە قامتىلعانىنا دا باسا نازار اۋداردى.
ەلجان ءبىرتانوۆ وسى اپتانىڭ باسىندا قاۋىپتى كوروناۆيرۋس تاراعالى بەرى قىتايدان قازاقستانعا كەلگەن ادامداردىڭ سانى 30 مىڭعا جۋىقتايتىنىن ايتقان. ونىڭ 29 مىڭى قازاقستاندىقتار. سوڭعى ەكى اپتادا قازاقستانعا كەلگەن 10 مىڭ ادام مينيسترلىكتىڭ باقىلاۋىندا.
قازاقستان قىتايدىڭ ۋحان قالاسىندا وقيتىن 79 قازاق ستۋدەنتىن دە ەلگە ەۆاكۋاتسيالاپ، ولار قازىر قالا سىرتىنداعى اۋرۋحانانىڭ ينفەكتسيالىق بلوگىندا كارانتيندە جاتىر.
"ادىرنا" ۇلتتىق پورتالى
