"ناعىز قازاق قازاق ەمەس، ناعىز قازاق- دومبىرا" دەپ قادىر اتامىز دومبىرانىڭ قازاقپەن بىتە قايناسقان ۇعىم ەكەنىن، ونى قال-قادىرىمىزشە قۇرمەتتەۋىمىزدى مىندەتتەپ كەتكەندەي بولدى. دومبىرا- قازاقتىڭ جان دۇنيەسىنىڭ جىرشىسى. تاريحىمنان سىر شەرتكەن، دۇنيە تانىمىمدى ۇعىندىرعان، بولمىسىمدى ساقتاعان التىن ساندىق ىسپەتتى.
بۇگىن جەلىدە وزگە ۇلت وكىلدەرىنىڭ دومبىرانى مازاق ەتىپ، جەرگە ءبىر ۇرىپ سىندىرعان ۆيدەوسى تارادى. مەنىڭ جەرىمدە ءجۇرىپ، نانىمدى جەپ، سۋىمدى ءىشىپ تورىمە سارىپ وتىرعان ەسسىزدەردى كورىپ اشۋىمىز كەلدى. ءبىز ۇيگە كەلگەن جىلاننىڭ دا باسىنا ءسۇت قۇيىپ شىعارعان ەل ەدىك، ءبىزدىڭ اق كوڭىلدىگىمدى اڭقاۋلىقپەن، جومارتتىعىمىزدى اقىماقتىقپەن شاتىستىراتىن وزگە ۇلت وكىلدەرىنىڭ قىلىعى شەكتەن شىعىپ بارادى.
الەمدە بىردە-ءبىر ەلدە ءبىز سەكىلدى وزگە ۇلتتاردى قورعاشتاپ، بارىن اۋزىنا توسىپ وتىرعان ەل كەمدە كەم. اسسامبلەياسىن قۇرىپ، الپەشتەپ تاناۋلارىن دەلديتىپ قويدىق. ەگەردە تەلى-تەنتەگىن تيا الماسا، ەسسىزىن تەزگە سالا الماسا ونداي اسسامبلەياسىنىڭ بىزگە قاجەتى قانشا. وزگە ۇلتتار ءبىزدى، ءبىزدىڭ قۇندىلىقتارىمىزدى قادىرلەي الماسا ءوز ەلىنە بارسىن. اسسامبلەيا باسشىلىعىنان دومبىرانى شاعىپ، قازاقتى مازاق قىلعان تەنتەكتەرىمەن قوسا قازاق حالقىنان كەشىرىم سۇراۋىن تالاپ ەتەمىن. وزگە ۇلتتاردى باسىمىزعا كوتەرىپ وتىرعانىمىزدى تۇسىنۋگە بولادى عوي، ولاي بولماسا ءبىزدى ۇلتشىل دەپ سوگە كورمەسسىڭدەر! اسسامبلەيا باسشىلىعى وسى ارسىز، پاسىق تەنتەكتەرىنىڭ قىلىعى ءۇشىن تاعى ايتام كەشىرىم سۇراسىن!
ايبەك ەرەجەپ،
"ادىرنا" ۇلتتىق پورتالى
