جامبىل وبلىسىنداعى شۋ تەمىرجول ستانتسياسىندا كوروناۆيرۋس جۇقتىردى دەگەن كۇدىكپەن ەكى قىتاي ازاماتىن پويىزدان ءتۇسىرىلىپ، اۋرۋحاناعا جەتكىزىلدى. دارىگەرلەردىڭ تەكسەرۋىنەن كەيىن، ەكى جولاۋشىنىڭ دەنى ساۋ ەكەنى انىقتالعان، - دەپ حابارلايدى Tengrinews.kz شۋ قالالىق اكىمدىگىنىڭ ءباسپاسوز قىزمەتىنە سىلتەمە جاساپ.
جەلىدە شۋ قالاسىنىڭ ۆوكزالىندا كوروناۆيرۋس جۇقتىردى دەگەن كۇدىكپەن پويىزدىڭ توقتاتىلعانى تۋرالى مالىمەتتەر تاراعان. WhatsApp مەسسەندجەرى ارقىلى كۋاگەرلەر وقيعا ورنىندا تۇسىرىلگەن سۋرەتتەردى تاراتقان، وندا دارىگەرلەر ارنايى كوستيۋمدەر كيىپ، پويىزعا قاراي جۇگىرگەن.
شۋ قالالىق ورتالىق اۋداندىق اۋرۋحاناسىنىڭ باس دارىگەرىنىڭ مالىمەتىنشە، 29 قاڭتاردا سارىاعاش - نۇر-سۇلتان باعىتىندا جۇرەتىن № 86 پويىزدان تۇسىرىلگەن قىتاي ازاماتتارىنان ەشقانداي ۆيرۋس بەلگىلەرى انىقتالماعان. سونىمەن قاتار، ارناي جاساق وكىلدەرى پويىز جولاۋشىلارىن قاراپ شىققان، ەشكىمنەن كوروناۆيرۋس انىقتالماعان.
"تۇشكىردى دەپ كۇدىك كەلتىرگەن قىتاي ازاماتتارى اۋداندىق جۇقپالى اۋرۋحانا بولىمىنە جەتكىزىلدى. ازاماتتاردى تەكسەرۋ ناتيجەسىندە ۆيرۋس بەلگىلەرىنىڭ جوق ەكەندىگى انىقتالىپ وتىر. وبلىستىق دەڭگەيدەگى ەپيدەميولوگتاردىڭ ناتيجەسى بەلگىلى بولعانشا جاعداي باقىلاۋدا بولادى. اۋدانىمىزدا قاۋىپتى ىندەتتىڭ الدىن الۋ ءۇشىن ارنايى جابدىقتالعان جەدەل جاردەم جۇمىس جاسايتىندىعىن ەسكەرتەمىز. اۋدان تۇرعىندارىنىڭ دۇرلىكپەۋىن سۇرايمىز", - دەلىنگەن حابارلامادا.
ەسكە سالايىق، قىتاي بيلىگى 2019 جىلى 31 جەلتوقساندا دۇنيەجۇزىلىك دەنساۋلىق ساقتاۋ ۇيىمىنا ۋحان قالاسىندا بەلگىسىز ۆيرۋستىڭ تاراي باستاعانىن حابارلاعان. ماماندار ۋحان قالاسىنداعى تەڭىز ونىمدەرى بازارىنان الىنعان سىنامالاردى زەرتتەپ، ۆيرۋستىڭ قايناركوزى سول بازاردا ساتىلعان جابايى جانۋارلار بولعانىن انىقتاعان. قىتايدا كوروناۆيرۋستان قازا تاپقانداردىڭ سانى 132-گە جەتتى.
