الماتىداعى قوناقۇيدە بولعان قىلمىس: جاڭا دەرەكتەر شىقتى

5788
Adyrna.kz Telegram

The Sun The Sun باسىلىمى الماتىداعى InterContinental قوناق ۇيىندە ءوزىنىڭ ءبىر جارىم جاسار قىزىن ولتىرگەن ۇلىبريتانيالىق ەر ادام موحامەد باراكاتتىڭ سۋرەتىن جاريالادى.

باسىلىم ونىڭ 22 جاستاعى ايەلى، قازاقستان ازاماتشاسى، الماتى وبلىسىنىڭ تۋماسى مادينا ەسىمدى قىزبەن تۇسكەن سۋرەتىن جاريالاعان.

The Sun مالىمەتىنشە، موحامەد باراكاتتىڭ ادۆوكاتى سوتتا ءىس "ادام ءولىمى" بابىنان "ابايسىزدا كىسى ءولتىرۋ" بابىنا اۋىستىرىلۋى كەرەگىن ايتقان. ادۆوكاتتىڭ سوزىنشە، ءبىر جارىم جاسار قىز اكەسى ونىڭ ۇستىنە ابايسىزدا قۇلاپ، "دەنەسىمەن باسىپ قالعاننان كەيىن" قايتىس بولعان.

ەگەر سوت باپتى قايتا قاراستىراتىن بولسا، ايىپتالۋشى 15-20 جىل ارالىعىنا نەمەسە ءومىر بويىنا باس بوستاندىعىنان ايىرىلۋدىڭ ورنىنا ءۇش جىلعا باس بوستاندىعىنان ايىرىلۋى مۇمكىن.

ال قىزدىڭ اناسى مادينانىڭ ادۆوكاتىنىڭ ايتۋىنشا، وقيعا كەزىندە قىزدىڭ اناسى بولمەدە بولماعان.

"ەكەۋى ۇرسىسىپ قالعاننان كەيىن ول دالىزگە شىعىپ كەتكەن. ول كۇيەۋى بالانى ادەيى نە ابايسىزدا ولتىرگەنىن بىلمەيدى. شەشىمدى ساراپتاما شىعارادى", - دەيدى ادۆوكات رۋسلان دجاناباەۆ.

الماتىدا ەر ادام بالانى قىلعىندىرىپ ولتىرگەن ادۆوكاتتىڭ سوزىنشە، مادينا كۇيەۋىمەن بايلانىستا، ونى كەز كەلگەن جاعدايدا تۇرمەگە وتىرعىزامىن دەپ ويلاپ وتىرعان جوق. الايدا ول كۇيەۋىمەن كەزدەسە الماي وتىر ەكەن. نەگىزىنەن باس جاراقاتتارىن العان قىز بالانى قۇتقارۋ مۇمكىن بولماعان.

ەسكە سالايىق، وقيعا 24 قازاندا InterContinental قوناقۇيىندە بولعان. تاڭعى ساعات 06:00-دە فويەدە ايەلدىڭ قاتتى ايعايلاپ جىلاعانى ەستىلگەن. ونىڭ كۇيەۋى بالانى قىلعىندىرىپ ولتىرگەن.

باس جاراقاتتارىن العان قىزدى قۇتقارۋ مۇمكىن بولماعان. كۇدىكتى - لوندوندا تۋعان 41 جاستاعى موحامەد باراكات، Hong Kong Air Cargo اۋە كومپانياسىنىڭ ۇشقىشى. ول قاماۋعا الىندى.

Tengrinews.kz

پىكىرلەر