اتى اڭىزعا اينالعان باسكەتبولشى كوبي برايانت تىكۇشاق اپاتىنان قايتىس بولدى. بۇل تۋرالى TMZ حابارلادى.
اپات جەكسەنبى كۇنى تاڭەرتەڭ بولعان. دەرەك بويىنشا، برايانت ءوزىنىڭ جەكە تىكۇشاعىمەن باسكەتبول جاتتىعۋىنا ۇشىپ بارا جاتقان. "لەيكەرس" كومانداسىنىڭ اڭىزعا اينالعان ويىنشىسىمەن بىرگە تاعى سەگىز ادام بولعان. اپاتتان كەيىن ەشكىم امان قالماعان. قازا بولعانداردىڭ اراسىندا برايانتتىڭ 13 جاستاعى قىزى دجياننا برايانت بار.
كوبي "لوس-اندجەلەس لەيكەرستىڭ" قۇرامىندا ونەر كورسەتكەننەن بەرى جەكە تىكۇشاقپەن ساياحاتتاپ كەلەدى.
برايانتتىڭ ارتىندا ءتورت بالاسى قالدى - دجيننا، ناتاليا، بيانكا جانە 2019 جىلدىڭ ماۋسىمىندا دۇنيەگە كەلگەن كاپريز.
كوبي برايانت مانسابىن 2016 جىلى اياقتاعان. ول ۇلتتىق باسكەتبول ليگاسىنىڭ (NBA) جۇلدىزدارىنىڭ ويىنىنا 18 رەت قاتىسقان. ونىڭ ىشىندە قاتارىنان 17 ويىن.
بەس رەت NBA چەمپيونى اتاندى جانە ەكى رەت ۇزدىك ويىنشى اتانعان (MVP). ءوز مانسابىندا 1996 جىلدان 2016 جىلعا دەيىن جالعاسقان سپورتتىق كارەراسىندا "لوس-اندجەلەس لەيكەرس" ساپىندا وينادى. اقش قۇراماسى ساپىندا 2008 جانە 2012 جىلعى وليمپيادا ويىندارىندا جەڭىسكە جەتكەن.
سۋرەتتەر: ينتەرنەت جەلىسىنەن الىندى
