عالىمدار قىتايدا تارالىپ جاتقان جۇقپالى اۋرۋدىڭ جاڭا ءتۇرى – كورونۆيرۋستىڭ شىعۋ سەبەبىن انىقتادى, - دەپ حابارلايدى newsroom.kz رەسەيلىك aif.ru سايتىنا سىلتەمە جاساپ.
وقىمىستىلاردىڭ ايتۋىنشا، قىتايلىقتاردىڭ جۇقتىرىپ جاتقان اۋرىنىڭ تارالۋىنا جىلانداردىڭ قاتىسى بار. ساراپشىلار ۆيرۋس گەنومىنىڭ بەس ۇلگىسىن 200-دەن استام باسقا ۆيرۋستاردىڭ ۇلگىلەرى تۋرالى مالىمەتتەرمەن سالىستىردى. ناتيجەسىندە، كوروناۆيرۋستىڭ گيبريدى جىلاندا بار ەكەنى ەكەنى بەلگىلى بولدى. سونداي-اق ءدال وسىنداي گيبريد جارعاناتتاردان دا تابىلعان.
عالىمدار سونىمەن بىرگە ۆيرۋستىڭ جاڭا ءتۇرىن تاسىمالداۋشىلار ەڭ الدىمەن، قىتاي كوبراسى جانە وڭتۇستىك قىتاي ايماقتارىندا كەزدەسەتىن كوپجولاقتى كرايت جىلاندارى دەگەن تۇجىرىمعا كەلدى. زەرتتەۋشىلەردىڭ ايتۋىنشا، باۋىرىمەن جورعالاۋشىلار جارقاناتتاردان جۇقتىرعان ۆيرۋستار جىلان دەنەسىنە ەنگەن. سوندىقتان كوروناۆيرۋستىڭ جاڭا ءتۇرى پايدا بولدى. كەيىننەن ول ادام اعزاسىنا دا ەنگەن، - دەگەن بولجام ايتۋدا.
زەرتتەۋلەر ناتيجەسىندە، ناۋقاستاردىڭ قىتايدىڭ ۋحان قالاسىندا ازىق-تۇلىك بازارىندا جۇمىس ىستەگەنىن نەمەسە وعان بارعانىن كورسەتتى. بۇل نارىقتا قويان، قۇس، تەڭىز ونىمدەرى مەن جىلاندار ساتىلادى، سوندىقتان بۇل اۋرۋ زوونوزدى ينفەكتسيا بولۋى مۇمكىن، - دەگەن تۇجىرىم بار.
