"قازاقمىس كورپوراتسياسى" جشس كەن-بايىتۋ كەشەنىنىڭ باس ديرەكتورى امانگەلدى مينيگۋلوۆ جەزقازعاندا پىشاق جاراقاتىن الدى، - دەپ حابارلايدى Tengrinews.kz ءتىلشىسى قاراعاندى وبلىستىق پد ءباسپاسوز قىزمەتىنە سىلتەمە جاساپ.
وعان شابۋىلدى "قازاقمىس كورپوراتسياسى" جشس "كاسىپقورعان" كاسىپوداق توراعاسى ت.ا.تاجبەنوۆ جاساعان. ولاردىڭ اراسىندا جانجال بولعان ەكەن. سوسىن ول مينيگۋلوۆتىڭ ارقاسىنا پىشاق جاراقاتىن سالعان. وقيعا 21 قاڭتاردا ساعات 18.20-دا بولعان.
"قازاقمىس كورپوراتسياسى" جشس مامانى س.ا.تەمباەۆ تا زارداپ شەككەن، ول قاقتىعىستىڭ الدىن الۋعا تىرىسقان. ونىڭ كەۋدە تۇسى پىشاقتان جاراقاتتانعان.
"سوسىن، كۋاگەرلەردىڭ ايتۋىنشا، ت.ا.تاجبەنوۆ ءوز كەۋدەسىنە پىشاق ۇرىپ، وقيعا ورنىندا قازا تاپقان. ا.م.مينيگۋلوۆ پەن س.ا.تەمباەۆ اۋرۋحاناعا جەتكىزىلدى. وسى دەرەك بويىنشا تەرگەۋ ءجۇرىپ جاتىر", - دەپ حابارلادى پوليتسياداعىلار.
