ەندى ءوڭىردى ابىلقايىر سقاقوۆ باسقارادى. جاڭا اكىمدى قر پرەمەر-ءمينيسترى اسقار ءماميننىڭ ءوزى اكەپ تانىستىردى.
ابىلقايىر باقتىبايۇلى سقاقوۆ پاۆلودار وبلىسىنىڭ تۋماسى. 1974 جىلى دۇنيەگە كەلگەن. جاڭا قىزمەتكە تاعايىندالعانعا دەيىن قازاقستان رەسپۋبليكاسى قارجى مينيسترلىگىنىڭ قارجى مونيتورينگى كوميتەتىنىڭ توراعاسى قىزمەتىن اتقاردى. ماماندىعى – سالىقشى، قارجىگەر. اقمولا قارجى-ەكونوميكالىق تەحنيكۋمىن، شاكارىم اتىنداعى سەمەي مەملەكەتتىك ۋنيۆەرسيتەتىن، قازاق قۇقىقتانۋ جانە حالىقارالىق قاتىناستار ينستيتۋتىن، م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن تامامداعان. 1995 جىلدان 2005 جىلعا دەيىن پاۆلودار وبلىسى بويىنشا سالىق ينسپەكتسياسىنىڭ مامانى، سالىق ينسپەكتورى، اعا سالىق ينسپەكتورى، ءبولىم باستىعى، پاۆلودار قالاسى بويىنشا سالىق كوميتەتى توراعاسىنىڭ ورىنباسارى قىزمەتتەرىن اتقارعان. 2005-2006 جىلدارى پاۆلودار وبلىسى قازىرگى تەرەڭكول اۋدانى بويىنشا سالىق كوميتەتىنىڭ توراعاسى، 2006-2008 جىلدارى پاۆلودار وبلىسى دەنساۋلىق ساقتاۋ دەپارتامەنتى ديرەكتورىنىڭ ورىنباسارى، 2008-2010 جىلدارى پاۆلودار وبلىسى بويىنشا سالىق دەپارتامەنتىنىڭ پاۆلودار قالاسى بويىنشا سالىق باسقارماسىنىڭ باستىعى، 2010-2012 جىلدارى قوستاناي وبلىسى بويىنشا سالىق دەپارتامەنتىنىڭ باستىعى بولىپ ەڭبەك ەتكەن. 2012-2014 جىلدارى قازاقستان رەسپۋبليكاسى قارجى مينيسترلىگىنىڭ سالىق كوميتەتى توراعاسىنىڭ ورىنباسارى، 2014 جىلدان 2016 جىلعا دەيىن استانا قالاسى بويىنشا مەملەكەتتىك كىرىستەر دەپارتامەنتىنىڭ باسشىسى، 2016 جىلعى 1 جەلتوقساننان 2019 جىلدىڭ ساۋىرىنە دەيىن قورعانىس ءمينيسترىنىڭ ورىنباسارى بولىپ قىزمەت اتقاردى. 2019 جىلدىڭ ساۋىرىنەن بۇگىنگى تاعايىنداۋعا دەيىن قر قارجى مينيسترلىگى قارجى مونيتورينگى كوميتەتىنىڭ توراعاسى بولىپ ەڭبەك ەتتى. «قازاقستان رەسپۋبليكاسىنىڭ تاۋەلسىزدىگىنە 20 جىل» (2011), «ەرەن ەڭبەگى ءۇشىن» (2014), سالىق قىزمەتىنىڭ ۇزدىگى (2011), قارجى قىزمەتىنىڭ ۇزدىگى (2012), مەملەكەتتىك قىزمەت ۇزدىگى (2014) توسبەلگىلەرىمەن ماراپاتتالعان.
ەسكە سالا كەتەيىك، پاۆلودار وبلىسىن بۇعان دەيىن بولات باقاۋوۆ باسقارعان بولاتىن. ول بۇل قىزمەتكە 2016 جىلدىڭ 25 ناۋرىزىندا تاعايىندالعان ەدى. ال 2020 جىلدىڭ 15 قاڭتارىندا قىزمەتىن اسىرا پايدالانعانى ءۇشىن قاماۋعا الىندى.
