قازاقستاندىقتارعا قىتايعا بارعان كەزدە شىعۋ تەگى بەلگىسىز ىندەتتىڭ شىعۋىنا بايلانىستى قاۋىپسىزدىك شارالارى تۋرالى ەسكەرتىلدى، - دەپ حابارلايدى Tengrinews.kz ءتىلشىسى.
بۇل تۋرالى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ رەسمي وكىلى ەرجان بايتاناەۆ حابارلادى. ول جەلتوقسان ايىنىڭ سوڭىنان باستاپ حۋبەي پروۆينتسياسىنىڭ ۋحان قالاسىندا (قىتاي) رەسمي تۇردە حالىقتىڭ ەتيولوگياسى انىقتالماعان پنەۆمونيامەن اۋىرۋىنىڭ 44 جاعدايى تىركەلگەنىن اتاپ ءوتتى.
"ينفەكتسيا قوزدىرعىشى وسى ۋاقىتقا دەيىن انىقتالماعان. كوپتەگەن جاعداي قالالىق جاڭا تەڭىز ونىمدەرى بازارىمەن بايلانىستى، وندا قۇستىڭ ءار ءتۇرى، قويان، جىلان جانە باسقا دا باۋىرىمەن جورعالاۋشىلار ساتىلدى", - دەپ ءتۇسىندىردى ول. "وسىعان بايلانىستى وسى ەلگە ساپاردى جوسپارلاۋ كەزىندە قىتايدا شىققان بەلگىسىز پنەۆمونيامەن اۋىرۋ جاعدايلارى تۋرالى اقپاراتتى نازارعا الۋدى سۇرايمىز", - دەپ تولىقتىردى ەرجان بايتاناەۆ.
بۇگىندە نۇر-سۇلتان قالاسىنان بەيجىڭ، سانيا جانە ءۇرىمشى قالالارىنا، الماتىدان بەيجىڭ، سانيا، حايكوۋ، سيان جانە ءۇرىمشى قالالارىنا تىكەلەي اۋە رەيستەرى ءجۇرىپ جاتىر. قحر-عا باراتىن تۇلعالارعا كوميتەتتە رەسپيراتورلىق ينفەكتسيالاردىڭ الدىن الۋدىڭ نەگىزگى شارالارىن ساقتاۋدى ۇسىندى:
* ءجىتى رەسپيراتورلىق جۇقپالار بەلگىلەرى بار ادامدارمەن بايلانىسۋدان ساقتانۋ.
* ءجيى قولدى جۋ، اسىرەسە ناۋقاس ادامدارمەن نەمەسە ولاردىڭ ورتاسىمەن تىكەلەي بايلانىسقاننان كەيىن •
* فەرمالارداعى جانۋارلارمەن نەمەسە جابايى جانۋارلارمەن جاناسۋدان اۋلاق بولۋ.
* جەدەل رەسپيراتورلىق ينفەكتسيا سيمپتومدارى پايدا بولعان كەزدە مەديتسينالىق كومەككە جۇگىنىڭىز.
https://kaz.tengrinews.kz/world_news/kyitayda-shyigu-teg-belgsz-ndet-tarap-jatyir-303958/
