توقاەۆتىڭ 2020 جىلداعى العاشقى جارلىعى: قازاقستاندا جاڭا قالا پايدا بولدى

7545
Adyrna.kz Telegram

جارلىق قوستاناي وبلىسى قوستاناي اۋدانىنىڭ زاتوبول كەنتىن اۋداندىق ماڭىزى بار قالالار ساناتىنا جاتقىزۋ جانە ونى قايتا اتاۋعا قاتىستى

نۇر-سۇلتان، 2 قاڭتار – Sputnik. مەملەكەت باسشىسىنىڭ جارلىعىمەن قوستاناي وبلىسىنداعى زاتوبول كەنتى توبىل قالاسى دەپ قايتا اتالادى، دەپ حابارلايدى اقوردا.

پرەزيدەنت 2020 جىلداعى العاشقى جارلىعىنا قول قويدى. ول قوستاناي وبلىسى قوستاناي اۋدانىنىڭ زاتوبول كەنتىن اۋداندىق ماڭىزى بار قالالار ساناتىنا جاتقىزۋ جانە ونى قايتا اتاۋعا قاتىستى.

"قوستاناي وبلىسى قوستاناي اۋدانىنىڭ زاتوبول كەنتى اۋداندىق ماڭىزى بار قالالار ساناتىنا جاتقىزىلسىن. زاتوبول كەنتى توبىل قالاسى بولىپ قايتا اتالسىن", - دەلىنگەن جارلىق ماتىنىندە.
جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.

توبىل قالاسى (بۇرىنعى زاتوبول كەنتى) توبىل وزەنىنىڭ وڭ جاعالاۋىندا ورنالاسقان.

2018 جىلدىڭ 1 قاڭتارىنداعى مالىمەت بويىنشا مۇندا 26 402 ادام تۇرادى.

بۇعان دەيىن ەڭبەك ارداگەرلەرى، كاسىپكەرلەر مەن جاستار ەلدى مەكەننىڭ اتاۋىن وزگەرتىپ، مارتەبەسىن وزگەرتۋدى ۇسىنعان ەدى.

 

پىكىرلەر