Jarlyq Qostanaı oblysy Qostanaı aýdanynyń Zatobol kentin aýdandyq mańyzy bar qalalar sanatyna jatqyzý jáne ony qaıta ataýǵa qatysty
NUR-SULTAN, 2 qańtar – Sputnik. Memleket basshysynyń jarlyǵymen Qostanaı oblysyndaǵy Zatobol kenti Tobyl qalasy dep qaıta atalady, dep habarlaıdy Aqorda.
Prezıdent 2020 jyldaǵy alǵashqy jarlyǵyna qol qoıdy. Ol Qostanaı oblysy Qostanaı aýdanynyń Zatobol kentin aýdandyq mańyzy bar qalalar sanatyna jatqyzý jáne ony qaıta ataýǵa qatysty.
"Qostanaı oblysy Qostanaı aýdanynyń Zatobol kenti aýdandyq mańyzy bar qalalar sanatyna jatqyzylsyn. Zatobol kenti Tobyl qalasy bolyp qaıta atalsyn", - delingen jarlyq mátininde.
Jarlyq alǵashqy resmı jarııalanǵan kúninen bastap qoldanysqa engiziledi.
Tobyl qalasy (burynǵy Zatobol kenti) Tobyl ózeniniń oń jaǵalaýynda ornalasqan.
2018 jyldyń 1 qańtaryndaǵy málimet boıynsha munda 26 402 adam turady.
Buǵan deıin eńbek ardagerleri, kásipkerler men jastar eldi mekenniń ataýyn ózgertip, mártebesin ózgertýdi usynǵan edi.
