قازاقستاندا قىلمىستىق زاڭنامانى جەتىلدىرۋ اياسىندا كولىكتى ماس كۇيىندە جۇرگىزگەنى ءۇشىن جازا كۇشەيتىلەدى، دەپ حابارلايدى"ادىرنا" Sputnik قازاقستان-عا سىلتەمە جاساپ.
باس پروكۋروردىڭ ورىنباسارى مارات احمەتجانوۆتىڭ ايتۋىنشا، بۇگىنگى جازا ساۋ جۇرگىزۋشىگە دە، ماس جۇرگىزۋشىگە دە بىردەي. كەلەسى جىلدان باستاپ وسى نورما وزگەرەدى.
"ماسەلەن، قازىرگى جول ءجۇرۋ ەرەجەلەرى بويىنشا ماس كۇيىندە ۇستالعان جۇرگىزۋشىنى كولىك جۇرگىزۋ قۇقىعىنان ەكى جىلعا ايىرىپ، 40 كۇنگە دەيىن قاماۋعا السا، جاڭا نورما بويىنشا ونداي ادامدار ءبىر جىلعا دەيىن باس بوستاندىعىنان ايىرىلادى. وعان قوسا، ون جىلعا دەيىن كولىك جۇرگىزۋ قۇقىعىنان ايىرۋ قاراستىرىلعان", - دەدى احمەتجانوۆ استانادا وتكەن ءباسپاسوز ءماسليحاتىندا.
ال كولىك جۇرگىزۋشىسى ماس كۇيىندە بىرەۋدى مەرت قىلسا، 7-10 جىلعا تۇرمەگە قامالادى. ونداي ادامدار ءومىر بويىنا كولىك جۇرگىزۋ قۇقىعىنان ايىرىلادى.
"سوسىن، كولىك جۇرگىزۋ قۇقىعىنان ايىرىلعان ادام رولدە ماس كەزىندە ۇستالسا دا، ءومىر بويىنا كولىك قۇجاتىنان ايىرىلادى. بۇدان بولەك، ماس جۇرگىزۋشىنى 30 كۇنگە دەيىن قاماۋعا رۇقسات ەتىلەدى", - دەپ اتاپ كورسەتتى مارات احمەتجانوۆ.
ايتا كەتەيىك، مەملەكەت باسشىسى قاسىم-جومارت توقاەۆ ءتيىستى زاڭعا قول قويعان بولاتىن.
