Qazaqstanda qylmystyq zańnamany jetildirý aıasynda kólikti mas kúıinde júrgizgeni úshin jaza kúsheıtiledi, dep habarlaıdy"Adyrna" Sputnik Qazaqstan-ǵa silteme jasap.
Bas prokýrordyń orynbasary Marat Ahmetjanovtyń aıtýynsha, búgingi jaza saý júrgizýshige de, mas júrgizýshige de birdeı. Kelesi jyldan bastap osy norma ózgeredi.
"Máselen, qazirgi jol júrý erejeleri boıynsha mas kúıinde ustalǵan júrgizýshini kólik júrgizý quqyǵynan eki jylǵa aıyryp, 40 kúnge deıin qamaýǵa alsa, jańa norma boıynsha ondaı adamdar bir jylǵa deıin bas bostandyǵynan aıyrylady. Oǵan qosa, on jylǵa deıin kólik júrgizý quqyǵynan aıyrý qarastyrylǵan", - dedi Ahmetjanov astanada ótken baspasóz máslıhatynda.
Al kólik júrgizýshisi mas kúıinde bireýdi mert qylsa, 7-10 jylǵa túrmege qamalady. Ondaı adamdar ómir boıyna kólik júrgizý quqyǵynan aıyrylady.
"Sosyn, kólik júrgizý quqyǵynan aıyrylǵan adam rólde mas kezinde ustalsa da, ómir boıyna kólik qujatynan aıyrylady. Budan bólek, mas júrgizýshini 30 kúnge deıin qamaýǵa ruqsat etiledi", - dep atap kórsetti Marat Ahmetjanov.
Aıta keteıik, memleket basshysy Qasym-Jomart Toqaev tıisti zańǵa qol qoıǵan bolatyn.
