قازاقستان قۇراماسىنىڭ جارتىلاي قورعاۋشى يسلامبەك قۋات رەسەي پرەمەر-ليگاسىندا ونەر كورسەتەتىن "ورەنبۋرگ" كلۋبىنا اۋىسادى. بۇل تۋرالى Ural56 سايتى كلۋب باسشىلىعىنداعى دەرەككوزگە سىلتەمە جاساپ حابارلايدى.
كلۋب پەن ويىنشى اراسىندا كەلىسىم-شارت جاقىن ارادا جاسالادى. قۋات كومانداعا ەركىن اگەنت رەتىندە قوسىلادى. كەلىسىمشارتتىڭ باسقا مالىمەتتەرى ازىرگە ناقتىلانباعان.
قۋات الماتىلىق "قايراتتان" وسى جىلدىڭ جەلتوقسان ايىندا كەتتى. كەتەرىندە كلۋبتىڭ باسشىلىعىنا جانە كوماندانىڭ پرەزيدەنتى قايرات بورانباەۆقا العىس بىلدىرگەن بولاتىن. ءوزىن باسقا چەمپيوناتتا دا سىناپ كورگىسى كەلەتىنىن جاسىرماعان. جەلتوقسان ايىندا الماتىلىق ۇجىمنىڭ قوس بىردەي كوشباسشىلارى گەورگي جۋكوۆ پەن باۋىرجان يسلامحان دا «قايراتتان» كەتتى.
ايگىلى transfermarkt.ru 26 جاسار ويىنشىنى 2 ميلليون ەۋروعا باعالاپ وتىر.
"ادىرنا" ۇلتتىق پورتالى
