جامبىل وبلىسىنىڭ اكىمدىگى وبلىستىق كاسىپكەرلەر پالاتاسىمەن بىرلەسە جاستار كاسىپكەرلىگىن قولداۋ ماقساتىندا جوسپارلى جۇمىس جۇرگىزۋدە. بۇل تۋرالى وبلىس اكىمىنىڭ ورىنباسارى سۇلۋشاش قۇرمانبەكوۆا وڭىرلىك كوممۋنيكاتسيالار قىزمەتىنىڭ اقپارات الاڭىندا وتكىزگەن ءباسپاسوز كونفەرەنتسياسىندا مالىمدەدى.
اتالعان جۇمىستار اياسىندا بىرقاتار ناتيجەگە قول جەتكىزىلگەن. ماسەلەنر، ۇستىمىزدەگى جىلدىڭ 15 مامىرى مەن 3 شىلدەسى ارالىعىندا «بيزنەس – باستاۋ» جوباسىمەن 437 جاس كاسىپكەرلىك نەگىزىنە وقىتىلىپ، 50 جاس 230,8 ميلليون تەڭگە كولەمىندە شاعىن نەسيە العان.
ال «بيزنەستىڭ جول كارتاسى – 2020» مەملەكەتتىك باعدارلاماسى اياسىندا جاستاردىڭ جاڭا بيزنەس يدەيالارىن ىسكە اسىرۋ ءۇشىن 3 ميلليون تەڭگەگە دەيىن مەملەكەتتىك گرانت بەرۋگە وبلىستىق بيۋدجەتتەن 303 ميلليون تەڭگە، رەسپۋبليكالىق بيۋدجەتتەن 21 ميلليون تەڭگە، بارلىعى 324 ميلليون تەڭگە قارجى ءبولىندى.
اتالعان گرانت بويىنشا اعىمداعى جىلدىڭ 1 مەن 12 شىلدەسى ارالىعىندا كونكۋرس وتكىزىلىپ، اۋداندار مەن تاراز قالاسىنان ۇسىنىلعان 466 جاستىڭ جوبالارى قارالدى. كوميسسيا شەشىمىمەن 158 جاسقا گرانت ءبولىندى.
سونىمەن قاتار، جاستار جىلىنا وراي «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسى» شەڭبەرىندە جاڭا بيزنەس يدەيالاردى دامىتۋعا رەسپۋبليكالىق بيۋدجەتتەن 200 ايلىق ەسەپتىك كورسەتكىش مولشەرىندە 329 جاسقا قايتارىمسىز گرانت رەتىندە 166,1 ملن. تەڭگە قارجى ءبولىندى. بۇگىنگى كۇنگە دەيىن 88 جاس 44,4 ميلليون تەڭگەگە گرانت الىپ، الداعى ۋاقىتتا وسى ماقساتقا 800 جاسقا 404 ميلليون تەڭگە كولەمىندە قوسىمشا قارجى بولىنبەك.
وسى جىلدىڭ 24 شىلدەسىندە «اتامەكەن» كاسىپكەرلەر پالاتاسى ارقىلى «جاس كاسىپكەر» جوباسى اياسىندا تۇراقتى جۇمىس ورنى جوق جاستار ءۇشىن قىسقا مەرزىمدى 1 ايلىق كۋرس باستالىپ، 450 جاس وقىتىلۋدا. كۋرستى ءبىتىرىپ، ءوز ءىسىن اشام دەگەن جاستارعا «اتامەكەن» كاسىپكەرلەر پالاتاسى ارقىلى جەڭىلدەتىلگەن كرەديت نەمەسە مەملەكەتتىك گرانت الۋعا مۇمكىندىكتەر بار.
سونداي-اق، جاستار اراسىندا اۋىل شارۋاشىلىعىن دا ناسيحاتتاۋ كوزدەلىپ وتىر. بۇل ماقساتتا وبلىس اكىمدىگى جۇرگىزىپ جاتقان جەكە قوسالقى شارۋاشىلىقتاردى دامىتۋ جوباسى ءوز سەپتىگىن تيگىزبەك. اتالعان جوبا ناتيجەسىندە جاستاردىڭ كاسىپكەرلىگى ەداۋىر العا باسىپ، ولاردىڭ جۇمىسسىزدىق سالدارىنان اۋىلدان قالاعا كوشۋى دە قىسقارماق. بۇل ءوز كەزەگىندە جەكە اۋلالاردا وندىرىلەتىن حالىق تۇتىناتىن تاۋارلاردى ساتۋ ماسەلەلەرىن دە شەشەتىن بولادى.
«ادىرنا»
ۇلتتىق پورتالى
