Jambyl oblysynyń ákimdigi oblystyq kásipkerler palatasymen birlese jastar kásipkerligin qoldaý maqsatynda josparly jumys júrgizýde. Bul týraly oblys ákiminiń orynbasary Sulýshash Qurmanbekova Óńirlik kommýnıkaııalar qyzmetiniń aqparat alańynda ótkizgen baspasóz konferenııasynda málimdedi.
Atalǵan jumystar aıasynda birqatar nátıjege qol jetkizilgen. Máselenr, ústimizdegi jyldyń 15 mamyry men 3 shildesi aralyǵynda «Bıznes – bastaý» jobasymen 437 jas kásipkerlik negizine oqytylyp, 50 jas 230,8 mıllıon teńge kóleminde shaǵyn nesıe alǵan.
Al «Bıznestiń jol kartasy – 2020» memlekettik baǵdarlamasy aıasynda jastardyń jańa bıznes ıdeıalaryn iske asyrý úshin 3 mıllıon teńgege deıin memlekettik grant berýge oblystyq bıýdjetten 303 mıllıon teńge, respýblıkalyq bıýdjetten 21 mıllıon teńge, barlyǵy 324 mıllıon teńge qarjy bólindi.
Atalǵan grant boıynsha aǵymdaǵy jyldyń 1 men 12 shildesi aralyǵynda konkýrs ótkizilip, aýdandar men Taraz qalasynan usynylǵan 466 jastyń jobalary qaraldy. Komıssııa sheshimimen 158 jasqa grant bólindi.
Sonymen qatar, jastar jylyna oraı «Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy» sheńberinde jańa bıznes ıdeıalardy damytýǵa respýblıkalyq bıýdjetten 200 aılyq eseptik kórsetkish mólsherinde 329 jasqa qaıtarymsyz grant retinde 166,1 mln. teńge qarjy bólindi. Búgingi kúnge deıin 88 jas 44,4 mıllıon teńgege grant alyp, aldaǵy ýaqytta osy maqsatqa 800 jasqa 404 mıllıon teńge kóleminde qosymsha qarjy bólinbek.
Osy jyldyń 24 shildesinde «Atameken» kásipkerler palatasy arqyly «Jas kásipker» jobasy aıasynda turaqty jumys orny joq jastar úshin qysqa merzimdi 1 aılyq kýrs bastalyp, 450 jas oqytylýda. Kýrsty bitirip, óz isin asham degen jastarǵa «Atameken» kásipkerler palatasy arqyly jeńildetilgen kredıt nemese memlekettik grant alýǵa múmkindikter bar.
Sondaı-aq, jastar arasynda aýyl sharýashylyǵyn da nasıhattaý kózdelip otyr. Bul maqsatta oblys ákimdigi júrgizip jatqan jeke qosalqy sharýashylyqtardy damytý jobasy óz septigin tıgizbek. Atalǵan joba nátıjesinde jastardyń kásipkerligi edáýir alǵa basyp, olardyń jumyssyzdyq saldarynan aýyldan qalaǵa kóshýi de qysqarmaq. Bul óz kezeginde jeke aýlalarda óndiriletin halyq tutynatyn taýarlardy satý máselelerin de sheshetin bolady.
«ADYRNA»
ulttyq portaly
