بۇگىن "ادىرنا" ۇلتتىق پورتالىندا تۇراقتى اۆتورىمىز ايگۇل ورىنبەكتىڭ "جۇيەنىڭ قۇلدىراۋ شەگى" https://adyrna.kz/post/27624 دەگەن ماقالاسى جاريالانعان بولاتىن.
"پوليتسيا اكىم قارالار مەن جوعارىدا وتىرعان تويىمسىز شەنەۋنىكتەردى قاماۋ كەرەك! جوعارى جاقتاعى ۇلكەن اكۋلالارعا ءتىسى باتپايتىن پوليتسيا قىزمەتكەرلەرى ەندى مۇعالىمدەرمەن ايقاسقا كوشكەنى، وتە ۇياتتى جاعداي. ايتپەسە تۇركىستان وبلىسىندا قىلمىس از دەيسىڭ بە؟" دەپ جازعان تانىمال زاڭگەرگە تۇركىستان وبلىستىق پوليتسيا دەپارتامەنتى جاۋاپ جازىپتى. وندا ورىن العان جاعدايعا بايلانىستى قىزمەتتىك تەكسەرۋ ءجۇرىپ جاتقانىن، سوعان بايلانىستى تۇركىستان قالاسى پوليتسيا باسقارماسىنىڭ باستىعى د. مەيىرحان قىزمەتتەن ۋاقىتشا شەتتەتىلگەنىن، بولعان وقيعا تولىق تەكسەرىلگەن سوڭ زاڭدى شەشىم شىعاتىنى جازىلعان.
ەستەرىڭىزگە سالا كەتەيىك، تۇركىستانداعى م. جۇماباەۆ اتىنداعى 15-ءشى مەكتەپ-گيمنازياسىنا تۇركىستان قالاسى ىشكى ىستەر ءبولىمىنىڭ باسشىسى پودپولكوۆنيك دانيار مەيىرحان باستاعان توپ اۋلاداعى اجەتحانانى تەكسەرىپ كەلەدى. سول ۋاقىتتا ورنىندا بولماعان كەزەكشى مۇعالىم (تۋالەتتەگى كەزەكشى) 31 جىل جۇمىس ستاجى بار ۇستاز كەۋكەنوۆ باحىتتى وقۋشىلاردىڭ كوزىنشە قولىن قايىرىپ الىپ كەتكەن بولاتىن. بۇنىڭ سوڭى قوعامدا ۇلكەن رەزونانس تۋدىردى.
اتالعان جايت بويىنشا تۇركىستان قالاسىنىڭ اكىمى راشيد ايۋپوۆ قالانىڭ "باس پوليتسەيىنە" مۇعالىمنەن كەشىرىم سۇراتقان بولاتىن.
وڭعار قابدەن،
"ادىرنا" ۇلتتىق پورتالى
فوتو اشىق ينتەرنەت كوزىنەن الىندى
