Búgin "Adyrna" ulttyq portalynda turaqty avtorymyz Aıgúl Orynbektiń "Júıeniń quldyraý shegi" https://adyrna.kz/post/27624 degen maqalasy jarııalanǵan bolatyn.
"Polıııa ákim qaralar men joǵaryda otyrǵan toıymsyz sheneýnikterdi qamaý kerek! Joǵary jaqtaǵy úlken akýlalarǵa tisi batpaıtyn polıııa qyzmetkerleri endi muǵalimdermen aıqasqa kóshkeni, óte uıatty jaǵdaı. Áıtpese Túrkistan oblysynda qylmys az deısiń be?" dep jazǵan tanymal zańgerge Túrkistan oblystyq polıııa departamenti jaýap jazypty. Onda oryn alǵan jaǵdaıǵa baılanysty qyzmettik tekserý júrip jatqanyn, soǵan baılanysty Túrkistan qalasy polıııa basqarmasynyń bastyǵy D. Meıirhan qyzmetten ýaqytsha shettetilgenin, bolǵan oqıǵa tolyq tekserilgen soń zańdy sheshim shyǵatyny jazylǵan.
Esterińizge sala keteıik, Túrkistandaǵy M. Jumabaev atyndaǵy 15-shi mektep-gımnazııasyna Túrkistan qalasy ishki ister bóliminiń basshysy podpolkovnık Danııar meıirhan bastaǵan top aýladaǵy ájethanany tekserip keledi. Sol ýaqytta ornynda bolmaǵan kezekshi muǵalim (týalettegi kezekshi) 31 jyl jumys stajy bar ustaz Keýkenov Bahytty oqýshylardyń kózinshe qolyn qaıyryp alyp ketken bolatyn. Bunyń sońy qoǵamda úlken rezonans týdyrdy.
Atalǵan jaıt boıynsha Túrkistan qalasynyń ákimi Rashıd Aıýpov qalanyń "bas polıeıine" muǵalimnen keshirim suratqan bolatyn.
Ońǵar QABDEN,
"Adyrna" ulttyq portaly
Foto ashyq ınternet kózinen alyndy
