«قازاقستاندىقتاردىڭ حيدجاب كيۋى ۇلتتىق بولمىسىمىزدىڭ جويىلۋىنا اكەپ سوقتىرۋى مۇمكىن»،- دەپ ەسەپتەيدى قر ءدىن ىستەرى اگەنتتىگىنىڭ توراعاسى قايرات لاما شاريف. ونىڭ پىكىرىنشە، حيدجاب كيۋ ادامنىڭ مۇسىلمان نەمەسە مۇسىلمان ەمەس ەكەنىن ايقىندايتىن باستى بەلگى بولىپ تابىلمايدى. «1981 جىلى قابىلدانعان تۋنيس زاڭىندا حيدجاب يسلام قۇندىلىعىنىڭ نەگىزى ەمەس ەكەنى، ارابتاردىڭ، بەدۋيندەردىڭ مادەنيەتىنە كوبىرەك نەگىزدەلگەنى ايتىلادى»، – دەپ اتاپ ءوتتى ق. لاما شاريف.
«ءبىزدىڭ ەلدىڭ ايەلدەرىنە مۇسىلمان ەلدەرىندەگىدەي حيدجاب كيۋگە رۇقسات بەرە وتىرىپ، ءبىز ۇلتتىق بولمىسىمىزدى جوعالتۋعا جول اشامىز، – دەپ ەسەپتەيدى ول. – قازاقستاندا بار-جوعى 10 ميلليون جانە شەتەلدەردە بىرنەشە ميلليون عانا قازاق بار، سوندىقتان، ەڭ الدىمەن، ءبىز ۇلتتىق سالت-ءداستۇرىمىزدى ساقتاۋىمىز كەرەك، ال، ەكىنشىدەن، ءبىز ارقاشان پاتريوتيزم تۋرالى ويلانۋعا ءتيىسپىز. مەنىڭ جەكە پىكىرىم – حيدجاب كيۋ يسلامنىڭ ءبىرىنشى بەلگىسى دەپ ايتۋعا سەبەپ بولا المايدى».
